很多人箍牙都會選擇隱形牙箍，因為無論在價錢、過程、外觀都比傳統鋼箍吸引，但本台收到讀者余小姐投訴指，光顧了一間隱形牙箍公司，竟然未箍牙已經一肚氣，更多次要求退款不果。
余小組在去年九月開始留意隱形牙箍公司HK Smiley，「當時宣傳話可以用政府消費券，所以最後選咗呢間公司。」HK Smiley標榜是一間「屬於香港人的透明牙箍品牌」，其facebook專頁除了一些箍牙資訊和價錢，最常見的便是「熊仔圖案」和ＷhatsApp對話截圖 。余小姐稱購買服務前已經了解該公司作風，知道「熊仔圖案」背後的男人就是HK Smiley的老闆，自稱「西客剋星」，會把他認為的「西客」WhatsApp對話截圖放上網公審。然而，余小組認為自己是正常客人，當時不認為會遭受老闆揶揄或無禮對待，所以她最後都決定購買HK Smiley推出的「10月1號箍牙優惠計劃」。
延期上牙箍申請退款 老闆：欠閰羅王都唔好欠你
余小姐在去年11月完成檢查，職員指約一個月後上牙箍，不料到12月約好上牙箍的前一晚，余小姐收到WhatsApp通知指要延至今年1月26日才能上牙箍。余小姐於是追問延遲原因，以及反映希望提早上牙箍，對方則表明身份是HK Smiley的老闆，稱「不如算啦，搞到你咁唔開心」、「退錢俾你算」、「唔箍好嗎？」。余小姐回覆「可以」，老闆再回覆「好，我叫同事安排你退款」。之後余小姐再收到WhatsApp聯絡，對方特別自稱「我唔係腦細」，表示通知她安排退款事宜，但對話間又指「腦細今朝交落...欠閰羅王都唔好欠你」、「腦細真係唔鍾意做6000幾蚊嘅生意」。
余小組親身到HK Smiley填表申請退款，不論當日向職員查詢，還是其後在WhatsApp查詢，都指「30個工作天」就能收到退款。然而一個月過去，余小姐仍未收到退款，於是再WhatsApp查詢，結果對方已讀不回。翌日，余小姐致電該公司查詢並錄音，接聽電話的是該公司老闆，他解釋因為很多同事在家工作，叫余小姐等，「你等唔到你去消委會都無辦法，你要去小額錢債都無辦法，我要等啲人Work From Home完晒返嚟先有人跟到你，得未？」余小姐再追問幾時退款，對方反問「你等嗰6千幾蚊開飯咩？」，又表示「退到咪退囉，唔好咁多嘢講」，然後掛線。余小姐表示當時很憤怒，不明白他沒有在限期內退款，仍說得理直氣壯。
余小組親身到HK Smiley填表申請退款，不論當日向職員查詢，還是其後在WhatsApp查詢，都指「30個工作天」就能收到退款。然而一個月過去，余小姐仍未收到退款，於是再WhatsApp查詢，結果對方已讀不回。翌日，余小姐致電該公司查詢並錄音，接聽電話的是該公司老闆，他解釋因為很多同事在家工作，叫余小姐等，「你等唔到你去消委會都無辦法，你要去小額錢債都無辦法，我要等啲人Work From Home完晒返嚟先有人跟到你，得未？」余小姐再追問幾時退款，對方反問「你等嗰6千幾蚊開飯咩？」，又表示「退到咪退囉，唔好咁多嘢講」，然後掛線。余小姐表示當時很憤怒，不明白他沒有在限期內退款，仍說得理直氣壯。
退款原因羅生門 客人不願額外付款？
就上述情況，本台記者致電HK Smiley跟老闆查詢，老闆表示記得余小姐的來電，更承認「我收佢線添㗎」，期間提及到余小姐是10月1日購買服務，老闆就回應「即10.1嗰班垃圾下嘛？」，又跟記者說，「你記住全香港本地品牌得返我呢間，但係你報導咗（呢件事），少一間幫香港後生仔嘅嘢，你好好諗下，後果會係點？」儘管如此，老闆仍就事件作出回應，並出現另一版本，令事件突然變成羅生門。
老闆指退款原因非延期上牙箍，而是余小姐不願額外付款。余小姐購買的箍牙計劃為期4個月，但經檢查後，醫生建議的箍牙期為5個月，需要額外繳付$1500。老闆認為余小姐不是想弄好牙齒，「佢淨係想用咁少錢，一定要喺佢budget內整好排牙！點解要畀人教我哋點樣去醫人呀？同埋更何況你買啲咁平嘅嘢！」然而，余小姐反駁根本從來沒有收過老闆提及的「5個月箍牙計劃」，即不存在不願意額外繳付$1500一事。余小姐表示簽約時已清楚知道箍牙超過4個月需要額外收費的條款，護士有向她提及箍牙期每延長兩個月就增加一個金額。
拖延退款因「條氣唔順」 老闆：我係擺明整蠱佢
而就拖延退款一事，老闆解釋是因為對方催促和不禮貌，他說：「個客人未到期就打嚟鬧我，用極不禮貌嘅說話，用極尖酸刻薄嘅嘢去鬧我。」為何老闆會說「未到期」？根據老闆向本台提供的退款表格，原來條款列明「退款由申請日期起40個工作天或批核日期起30個工作天」處理，誤會就在於申請日期起計，還是批核日期起計。
然而，本台記者是3月9日致電老闆查詢，即距離余小姐申請退款已經78日，仍然未退款又是為何？老闆直言，「我係擺明整蠱佢，鍾意拖下佢，呢句我講嘅！」又指自己「條氣唔順」，「我唔會話唔退款畀佢係啱，但我畀佢鬧條氣好唔順，喺唔犯刑事罪嘅情形之下，去令我條氣順啲囉！」他又反問，「係咪等於呢間公司好識得玩法律，係！」他更誇下海口稱，「咪過一排連埋利息退返畀佢囉！最基本都要計八厘一年，或者勞工處咁計三厘一年！」
記者再問及老闆為何回覆客人要用上比較犀利的字眼，老闆反指余小姐最初已經對其公司員工沒禮貌，所以才以相同態度回覆。余小姐則認為自己非沒禮貌，只是該公司延期上牙箍才追問原因，認為稍有一些事情不合老闆心意，就會反遭抹黑，覺得很無奈。記者再問老闆是否覺得與客戶間的溝通出現問題，他回應指，「我唔覺得消費者一定係啱，呢個係我個Brand Mentality（品牌精神），我醫病，我無責任賣服務㗎！」
事件經本台向HK Smiley查詢後，該公司主動聯絡余小姐，終於在3月14日全數退款$6499，惟並沒有兌現承諾賠償三厘／八厘利息。
然而，本台記者是3月9日致電老闆查詢，即距離余小姐申請退款已經78日，仍然未退款又是為何？老闆直言，「我係擺明整蠱佢，鍾意拖下佢，呢句我講嘅！」又指自己「條氣唔順」，「我唔會話唔退款畀佢係啱，但我畀佢鬧條氣好唔順，喺唔犯刑事罪嘅情形之下，去令我條氣順啲囉！」他又反問，「係咪等於呢間公司好識得玩法律，係！」他更誇下海口稱，「咪過一排連埋利息退返畀佢囉！最基本都要計八厘一年，或者勞工處咁計三厘一年！」
記者再問及老闆為何回覆客人要用上比較犀利的字眼，老闆反指余小姐最初已經對其公司員工沒禮貌，所以才以相同態度回覆。余小姐則認為自己非沒禮貌，只是該公司延期上牙箍才追問原因，認為稍有一些事情不合老闆心意，就會反遭抹黑，覺得很無奈。記者再問老闆是否覺得與客戶間的溝通出現問題，他回應指，「我唔覺得消費者一定係啱，呢個係我個Brand Mentality（品牌精神），我醫病，我無責任賣服務㗎！」
事件經本台向HK Smiley查詢後，該公司主動聯絡余小姐，終於在3月14日全數退款$6499，惟並沒有兌現承諾賠償三厘／八厘利息。
就事件本台向消費者委員會查詢，消委會回覆指在2021年接獲114宗對全港牙醫的投訴，本年1月和2月已共有26宗，會密切關注牙醫等醫療服務質素，敦促相關機構應具體地向消費者講解治療次數、程序及羅列各項收費項目。若需要調整原訂的治療費用，應盡早與消息者溝通及清晰講解。
