傳三上悠亞接班人來港賣淫 人氣AV女優被捕｜鍾雪瑩金馬封后 揭多謝吳君如真相 評審欲推翻投票｜港記者短片奪金馬獎：走進黑暗 才見真光｜#C聞播客 2024年11月25日(1)

傳三上悠亞接班人來港賣淫 人氣AV女優被捕｜鍾雪瑩金馬封后 揭多謝吳君如真相 評審欲推翻投票｜港記者短片奪金馬獎：走進黑暗 才見真光｜#C聞播客 2024年11月25日(1)
https://youtu.be/wBDVIjoWrx0

東歐千年古堡 被簡體字塗鴉 求訂抖音｜大阪華人助微信女唱千萬日圓 遭2秘漢電擊搶錢｜北韓恐怖噪音彈 夜轟邊境半年 虐待南韓人失眠｜#C聞播客 2024年11月25日(2)
https://youtu.be/LuLUqnigj3U

聲音導航：李鈺廷

C聞播客 聲音導航
讓你耳聽八方 唔使眼乾
即時新聞 焦點擔當

壹傳媒創辦人黎智英被控「串謀勾結外國勢力」等罪，25 日在西九龍裁判法院展開第 96 日審訊。黎智英第4日出庭作供，話希望《蘋果日報》保護到新聞自由及報道真相的權利，就算報道真相，係會煽動他人憎恨政府都好，都仲會報道，因為這是真相。但他話如果係違法，便不會報道，因《蘋果》一直均依法行事。

對於佢在WhatsApp 群組錄音講過，《蘋果》英文版唔係追求平衡報道，而係考慮點樣保護香港人。黎智英解釋，因為當時係疫情，港人想了解多些中國的負面新聞，咁就可以保護自己，避免捲入病毒帶來的危險；而且英文版篇幅有限，報道就要揀重點。佢亦解釋，平衡報道不等同可靠架，報道真相先係可靠。而傳媒的公信力，並唔係因為篇報道夠晒平衡，先至建立到，而係關乎可否報道到真相出來。

黎智英承認，當時不少中國負面新聞被誇大，而正面新聞則被忽略，認為大數據可更客觀地反映中國的真面目，希望英文版可以做到呢方面的報道。雖然同事嘗試接觸大數據專家，但直至佢被捕時，這些專家仍研究中，亦因技術原因，未能成事。

黎智英又話，在新聞行業來講，負面新聞就是好新聞，所以大家很少在報紙上，看到正面新聞。他仲話，《南華早報》只係報道中國的正面新聞，忽略當地「很多負面新聞」，例如冇乜點講大陸的負經濟增長。而《蘋果日報》英文版就係報人地唔報的野，咁就可打破《南華早報》的壟斷。

對於壹傳媒前行政總裁張劍虹供稱，黎智英希望美國制裁中共，而英文版的編採指示就是報道「逆權、抗爭同制裁」，黎智英就否認有咁說過，又指自己甚少用制裁這些字眼，仲話張劍虹係虛構證供。而佢只希望美國做一些事，阻止《國安法》生效。

本身係從犯證人的張劍虹，之前作供時又指，黎智英唔同意《蘋果》自己執，應該做到畀人冚檔為止。黎智英在21日作供時，都否認有咁講過，仲提返在《蘋果》結業前2個月，當時被還押的佢向時任總編輯羅偉光回信，話「現在言論自由是危險的工作」，叮囑同事「份外小心，不要犯險，自身安全重要」。佢話佢在呢封叫《蘋果家書》的回信所講的野，對比張劍虹的證供，就睇到有很大出入。

黎智英在21日作供時，亦強調佢專欄冇意圖引起仇恨，而是他的真誠意見，游說市民上街，反對修例。而且在香港上街是合法，他沒有呼籲人犯法。黎智英到25日作供時，亦重申呢個講法，但承認其中1篇文，受到當時氣氛影響，形容有少女對警方講粗口係「冇得輸」。佢而家睇返，覺得呢個言論低俗。佢感到後悔，為此致歉。他又話，專欄提到「和勇不分」，並非美化勇武派，而是希望他們受和平示威者影響，而變得溫和。

睇返黎智英在20日作供時，雖然承認在2019 年 7 月 8 日，同美國時任副總統彭斯見過面，但佢話個次，已經係雙方唯一的一次，而且佢都不知係誰人搭路。雖然佢內心，係想要求彭斯說些東西，支持香港，但最後都沒有提出，亦沒有要求對方有咩實際行動，只是向對方講解香港情況。黎智英重申，自己從沒捐款給海外政黨，亦無要求外國政要，影響對華政策。

至於民主派初選案，法官在判刑時，點名提到11名被告有真誠悔意，有關當局考慮是否減佢地刑。咁係咪代表佢地可以提早獲釋？懲教署表示，要考慮佢地會否不利國家安全。署長會考慮個案的實際情况，及所有相關資料和因素，嚴格依照所有相關法律，公平公正地處理每宗個案。

香港警方聯同新加坡、日本同澳門警方，搗破一個操控包括日本AV女優在內的跨境賣淫集團，一共拉咗39人。其中香港警方，就拘捕7名骨幹成員，同3名日本性工作者。新加坡那邊都拘捕4人，包括1名骨幹成員同3名日本性工作者。傳媒引述消息，指涉案的AV女優，包括被譽為三上悠亞接班人的坂道美琉，及幾有人氣的麻宮若菜，仲話其中1個被拉的，就係麻宮。

呢個跨境賣淫集團，由本地人操控，分工仔細，分別有人負責對客、收肉金同book酒店等。集團亦在社交網站登廣告，宣稱可以安排日本性工作者及AV女優到本港酒店賣淫，每次收費由數千元至15萬元不等。當性工作者收到錢，集團成員會抽返一半佣。呢些性工作者除了來香港，亦會去新加坡和澳門賣淫。

在香港，骨幹成員的罪名，是「靠他人的收入賣淫為生」、「控制他人賣淫」。而身為主腦的女被捕人和兩名骨幹成員，亦因「洗黑錢罪」被捕，涉及1,900萬港幣懷疑犯罪得益。仲有超過1,800萬元港幣懷疑犯罪得益，在轉走前都被警方堵截咗，當中包括4個住宅物業，合共估值1,700萬港幣。警方亦檢獲兩部總值50萬元車輛、大量現金，仲有同性工作者有關的物品。

本港22日下午，接連發生2宗致命工業意外。一名18歲電梯維修學徒，於中環維修扶手電梯期間，因電梯突然啟動，而跌落槽底，送院不治。另一名57歲油漆工人，則在東涌一個公營房屋地盤，因升降台升得太高而被夾住，最終不治。

工業傷亡權益會對於接連有工業意外表痛心。勞工處表示，對有工友身故十分難過，正調查意外成因及相關持責者的法律責任。

警方21日晚在葵涌葵盛西邨第9座梯間，截查一名疑具黑社會背景的22歲男子，發現他藏有約1.6公斤「太空油」原料「依托咪酯」及太空油器皿。若成功提煉，估計可製成約4,000支太空油，市值約120萬元。警方以涉嫌管有第一部毒藥罪名，拘捕該名男子。