美國總統特朗普上任前夕，社運人士雷玉蓮昨日（20日）到金鐘的美國駐港澳總領事館請願，稱希望特朗普小心及保重，「畀全世界人睇到佢唔係咁衰」，強調即使人們不喜歡特朗普，也不應暗殺他。雷玉蓮請願期間約有10名警員包圍隨行，並沿途錄影，其後被安排在橙帶後的示威區表達訴求，她表示不明白為何「咁多差人」，強調自己沒違反港區國安法，「我英文都唔識，又點勾結外國勢力呢」。
雷玉蓮昨日首先到金鐘警察總部請願，稱去年11月初選案判刑時，她到西九龍法院送囚車，希望對昔日戰友表示「保重」，但被在場警員表示「如果你嗌保重嘅口號呢，就立即把我拘捕」。她要求警方解釋「保重」一詞是否違反港區國安法，「我唔明喎！」要求警務處處長蕭澤頤本人或派出代表解釋，「我而家講咗咁多次保重，係咪而家要把我拘捕呢？保重呢兩個字係咪咁大嘅殺傷能力，要拘捕呢？」
警方其後派警司接收雷玉蓮的請願信，警司甫見雷玉蓮便表示「阿蓮，好耐冇見你喎」，雷玉蓮沒直接回應，重申其訴求是希望警方澄清「保重」一詞與港區國安法的關係，強調「唔係我雷玉蓮一個嘅事，係全香港市民嘅事，『保重』冇違反國安法㗎嘛？點解要拉我呢？點解要鎖我呢？你嚇親人、嚇親人、嚇壞人㗎喎」。她向警方遞交請願信後離開。
雷玉蓮：唔使咁多差人
雷玉蓮晚上轉往位於花園道的美國駐港總領事館，沿途約有10名警員隨行，其中一名警員警告她不能從事「危害公眾安全嘅活動」，亦有警員一直舉機拍攝雷玉蓮。雷玉蓮表示「我一個人，唔使咁多差人」，警員則回應道「係，係，係」，着她到領事館外的指定區域請願。
雷玉蓮抵達示威區後先喝水，其後展示印有「特朗普小心」字句的標語，稱特朗普兩度遭人試圖暗殺，「我叫特朗普小心保重，千祈千祈要記住」，認為特朗普未來4年任期會非常危險。雷玉蓮強調「你唔鍾意一個人，都唔可以去暗殺佢」，囑特朗普小心保重，亦認為公眾可觀望執政表現，「唔好咁快話佢做得唔好」。
警員問「蓮姐你返屋企定去灣仔」
雷玉蓮亦提到她前往美國領事館外示威區時被多名警員包圍的情況，強調自己沒違反港區國安法，「我都冇諗過會咁多差人，我一個人，我又冇違反國安法、又冇違反人權法，你而家咁樣，做甚麼東西呢？我只係擔心佢（特朗普）再畀人暗殺第3次」，又表示自己「英文都唔識，我點勾結外國勢力呢」。她表達訴求後沿花園道返回金鐘，這時仍有多名警員隨行，有警員問她「蓮姐，你而家返屋企定去灣仔」，雷玉蓮最後離開。
