有讀者向Channel C表示自己4月1日於萬寧網店購買日用品，總額達8千多元，包括嬰兒用品及奶粉，不過使用PayMe付款後一直也未收到萬寧的訂單確認，相反PayMe程式內則顯示已扣賬。讀者表示事發後一直也未能聯絡萬寧，多人亦於萬寧Facebook專頁留言求救，惟萬寧只說是因為受疫情嚴重影響提供有限度服務。
萬寧電話客服因疫情關係已暫停，報料人亦有轉去聯絡線上客服，不過「由晏晝一點幾等到6:00都係冇人覆㗎，email已經send咗幾個過去都係冇回覆，佢Facebook page keep住有人更新但係個回覆都係叫你send email」。
萬寧Facebook專頁亦有多名苦主與報料人面對一樣問題，有人指「尋日喺網店買咗嘢，PayMe扣咗我錢，但係就冇訂單消息update，打Hotline又冇人聽，email又冇人覆🤦🏻♀️你的網上個付款系統收咗錢之後就hang機，售後又咁差，完全冇人跟進」，有人就回覆指「買咗貨超過40日都收唔到，一D消息都無，主動去問又無方法。衰過好多小店。如果唔係咁大個招牌，真係以為自己被網騙」，甚至有顧客揚言「就黎2個星期，你地係唔諗住覆email架啦我估，咁我報消委會同海關算唔想同你玩落去」。
專頁一直有更新貼文，有人於昨日（1日）的貼文留言，批評萬寧「得閒出post，不如開番個客服熱線，keep住email都無人覆」，而萬寧小編回應每個留言，也只是說「多謝您嘅查詢。由於受疫情嚴重影響，為保障同事、顧客，以及工作伙伴嘅健康，萬寧客戶服務電話熱線正實施特別上班安排並提供有限度服務，希望相關措施能確保同事喺健康、安全嘅環境下，維持部分運作。抱歉因此令您既等候時間稍為延長，建議您可於辦公時間使用線上客服或電郵服務或者請您喺網頁填寫資料，我哋會盡快為您跟進。為您帶來不便，我哋深感抱歉」。
Channel C已向萬寧及所屬DFI Retail Group查詢，暫未獲回覆。
