發展局局長甯漢豪昨日（5日）出席水務署活動，她回顧香港供水史，稱今年是東江水供港60周年，表示國家為香港動用人力物力供水，呼籲市民「謹記國家對我哋嘅關愛」。翻查資料，2023年香港約8.2億立方米食水供應來自東江水，佔香港食水總供應約77%，2024年港府輸入東江水基本水價約為51.3億港元，去年底港府與廣東省達成的協議顯示，基本水價增幅為每年2.39%。
【新聞有價 記者有格 立即訂閱：https://bit.ly/3wGQh7c】
昨日的水務署活動對象為兒童，甯漢豪亦稱水務署署長黃恩諾為「哥哥」，並自稱「姨姨」。甯漢豪回顧香港供水歷史，稱昔日香港曾經歷制水，但此後輸入東江水，因此解決香港供水問題。
甯漢豪形容「我哋嘅國家其實係動用咗好多嘅人力物力，為香港呢，供應東江水，即係話即使我哋嘅雨水唔夠，我哋喺內地呢能夠有水，輸送到嚟香港」，稱東江水令香港過去多年「唔需要擔心唔夠水」，可繁榮穩定發展。
稱內地旱情下仍向港賣水
甯漢豪表示香港向中國內地購買東江水「係切切實實嘅歷史嚟嘅」，認為市民應「從歷史之中去學習」，「謹記呢，其實國家對我哋嘅關愛」，以及市民需居安思危，謹記水資源非無窮無盡。她提到2020至2022年期間東江流域旱情嚴重，內地仍續向香港售賣東江水。
港府去年底與中國內地延續東江水供水協議，新協議基本水價增幅為每年2.39%，估計2024年香港支付約51.3億元輸入東江水，2025年水價則為52.59億。
