政府提出明年起引入「智能投票箱」，檢查選民填劃的選票是否有效。立法會政制事務委員會今日（16日）討論建議，新思維狄志遠憂慮智能票箱將嚇怕選民，認為即使投白票或填花選票也是個人選擇；經民聯梁美芬則提到投票可能因「外來原因」受影響，「未必唔會畀人去干擾」，稱需就智能投票故障預早準備。政策及內地事務局局長曾國衞回應稱，智能投票箱原意是用於全票制選舉，「例如立法會選委界別」，因該些界別容易多填或少填選項，承諾確保投票保密，「大家可以放心」。
【新聞有價 記者有格 立即訂閱：https://bit.ly/3wGQh7c】
狄志遠發言時形容智能投票箱的建議「幾無謂同埋有反效果」，「好嘞，檢測到佢投白票，或者劃花佢，咁𠵱個都係佢嘅選擇」，認為部分人可能因支持選舉本身但未有心儀候選人而投白票，「咁你跟住又響鐘，話畀佢聽你投白票喎」，憂這做法侵犯私隱及嚇怕選民。狄志遠亦指出智能投票箱「搵得到佢投廢票，亦都搵得到佢係投邊個票，可能你唔會用，但選民係會擔心」。
簡慧敏稱可提醒長者：可能以為投兩票
選委界簡慧敏表示智能投票箱有助選委會界別，「全票制要投40票係有複雜性」，而地方選舉採用雙議席單票制，「單票呢，其實確實有啲市民呢都仲係未知道嘅，可能以為呢區有兩個議員，咁我就投兩票啦」，「如果提一提醒佢，特別係我哋啲老友記，提一提醒佢係好嘅」，但同意需保障投票保密性。翻查資料，香港立法會自1998年至2016年間一直使用比例代表制，每個地方選區最少也有3個直選議席，後期更有部分選區需同時選出9名議員，若以簡慧敏的說法則可能有人以為自己要投選9張名單。
梁美芬則關注智能投票的後備方案，「突然間down機、突然間系統壞咗，一定要準備有人手配套呢一個嘅，呢個你避免唔到嘅，你唔知因為咩原因，我哋成日都話，會唔會係因為有外來嘅原因啦，或者我哋自己系統嘅原因啦」，認為香港需準備及測試，「未必唔會畀人去干擾㗎，我哋係要正視呢個事實」。
梁美芬提到她曾在選舉前無法使用Google電郵及社交平台，詢問政府會否為選舉候選人研發電郵平台，認為有人「有目的咁樣打擊某啲候選人」，亦關注智能系統的後台是否仍由外國控制。
稱主要用於全票制等界別
曾國衞強調無意藉智能投票箱「搵出嗰啲所謂故意嘅情況」，而選民投票期間無需出示身份證、票站沒有閉路電視，「無從話會識別你本人係邊個」，認為智能投票機不會侵犯私隱，引入原意是減少選民因「填劃錯誤導致選票無效」的情況，重申必須在維持保密等重要原則下才引入新安排，有具體方案後亦會諮詢立法會，「大家可以放心」。
曾國衞透露智能投票箱將用於「係需要全票制，而嗰個量比較多」的選舉，「例如立法會選委界別，我哋填40格嘅」，容易造成錯誤，目前此類投票已設有檢測機，以免因選民多填或少填而出現無效選票，「因為全票制你唔能夠多亦唔能夠少」，填劃錯誤或塗污選票的情況亦可避免。
政府此前向立法會提交文件，建議選管會可在合適情況下，在地區直選和功能組別選舉引入自動點票機，並於「個別選舉或界別」中引入智能投票箱，配備選票檢測功能，「協助」選民確認他們填劃的選票是否有效，若選票被檢測出有可能無效，票箱便會「提醒」選民是否填劃有誤，認為此舉可減少問題和無效選票。
