趙璧渝（Osanna）早前與妹妹趙穎琪首次以姊妹檔拍攝美胸廣告，Osanna指因想照顧妹妹，令責任感增加，笑言比一個人開工更大壓力。
【新聞有價 記者有格 立即訂閱：https://bit.ly/3wGQh7c】
藝人趙璧渝（Osanna）獲品牌續約擔任美胸代言人，她早前更與曾參選港姐的妹妹趙穎琪，衝出香港拍攝美胸廣告，齊騷豐盈身材，寓工作於娛樂。首次跟妹妹合作，Osanna直言雖然興奮但壓力比自己一個開工更大：「同阿妹開工，本身諗住當去旅行去玩咁，但原來會好緊張，因為責任感大咗，始終家姐帶住阿妹，會想特別take care佢，不過其實阿妹面對鏡頭都冇唔習慣，始終選過港姐，有晒經驗。另外一齊開工嘅好處係大家互相鞭策，一齊on diet keep fit同做gym。」
入行12年的Osanna由冇對白到現在遇上好角色，她非常感恩說：「有次喺日本，有個香港人竟然認得我，叫得出我全名，真係好開心。」Osanna在重頭劇《巨塔之后》，與宣萱有不少對手戲，她大讚對方是一個非常好、超nice超專業的前輩，除演戲外又分享好多想法及結予很多鼓勵，今次拍劇在宣萱身上學到很多，是意外收穫。
Osanna有份角逐今年《萬千星輝頒獎典禮》「飛躍進步女藝員」，她揚言如能入圍10強，有資格出席頒獎典禮已經夢想成真，同時也能對媽媽有個交代：「可以提名已經好開心，自己讀訓練班嘅時候，邊會諗到可以出席頒獎禮記者會，感覺好似成就解鎖。今年有3套劇出街，令大家睇到我唔同角色嘅演繹，希望可以得到觀眾嘅肯定，亦都對媽咪有一個交代，佢見到我近年有發揮角色，佢都好開心好安慰，亦會將我嘅報道剪低儲起。」
