溫碧霞（Irene）和台灣男演員禾浩辰為電影宣傳，Irene透露戲中與禾浩辰因Cybersex而展開姊弟戀，更大爆兩人有大膽戲份。
溫碧霞與禾浩辰到新城電台接受節目《QK玉瑛室》訪問，宣傳3月上映的電影《謊島美人魚》。Irene和浩辰分別和大家拜個早年，Irene表示：「新年我會喺一個陽光與海灘的地方度過，祝大家身體健康、心想事成。」浩辰則透露新年會返台灣，並會給家人包紅包。」他同時希望電影票房大賣，希望破億收入然後馬上拍續集。
在電影中擔正女主角的Irene，被問到劇本有何吸引的地方？Irene表示：「戲入面我同浩辰係網戀，因為知佢細過我，我就扮細同佢傾偈，後來不知不覺愛上佢，其實時下姊弟戀都好普遍，好多男仔都鍾意成熟女性。」浩辰則透露自己的角色吃了一種植物而出現幻覺，並幻想Irene變成一條美人魚，兩人更發生親密關係。問Irene現實中可有試過姊弟戀？她直言：「都有，有啲男仔細我好多都追我，不過最後都結束，對我嚟講愛係冇分年齡界限，你鍾意係佢個人同內在，無論咩年齡都希望大家勇敢去愛。」
Irene和浩辰除了年齡和靈魂，外形都令人賞心悅目，主持大讚兩人又fit又漂亮，問到浩辰是否這個姊弟戀角色吸引他？浩辰表示這個角色一開始較滄桑，過往很少演這類角色，今次可以跟Irene合作，對他來說十分難得，所以有機會要好好挑戰一下，而跟Irene拍親密戲感覺還好。
而Irene則大爆戲中一場Cybersex（網上性愛）最難忘，她說：「呢場戲其實幾前衛，依家好多年輕人會喺網上結識異性，佢哋真係可以full in love，而cybersex亦可能係其中一種，因為我覺得愛情一定有性，所以場戲比較大膽。」
