民主派初選案45名罪成被告今日（19日）於西九龍法院判刑，截至上午6時30分已有近200人於法院門外排隊。此前被裁定串謀顛覆國家政權罪名不成立的被告之一李予信凌晨4時多開始排隊，他表示不猜測部分人士排隊的原因，但稱若他們為「法庭審理以外的因素」聽審屬濫用公眾席制度。李予信表示難以估計判刑結果，認為市民需深思和關注本案以至同類案件的判決，稱類似案件都關乎社會的開放程度，以至不同類型的自由。
【新聞有價 記者有格 立即訂閱：https://bit.ly/3wGQh7c】
西九龍法院大樓外有大批市民輪候聽審，截至上午6時30分排隊人數近200人，警方以橙帶分隔排隊人士，人龍仍「打蛇餅」。李予信表示從新聞得知排隊情況，得悉「正庭個位置好limited」，因此凌晨4時多已到法院外排隊，「都係跟返之前嚟嘅時間」，等候派籌期間會閱讀關於藝術治療的書籍，「關於一啲創傷處理」，稱社會經歷集體創傷和逆境。
李予信稱此前見過其他排隊人士，「都知道排隊黨呢樣嘢」，他不猜測該些人士排隊的原因，「但以我觀察，佢哋似乎係為咗一啲法庭審理案件以外嘅因素去聽審」，若屬實「係好唔理想」、「完全係abuse（濫用）緊公眾席呢個制度」。李予信解釋稱，法院設立公眾席的原意是讓人們清晰了解案件，「如果係為咗法庭以外嘅嘢，就係違背咗呢個原則」，應予糾正。
呼籲市民咀嚼判詞
李予信認為市民應繼續關心同類案件，「除咗呢單案件仲有其他，都有好多唔同嘅案件係發生緊，關乎社會嘅開放度、唔同類型嘅自由，例如可能新聞自由、集結自由或者一啲嘅參政自由等等」，認為這些案件的判決需要深思，希望更多人關心和理解案件對社會發展的影響。他坦言難以估算判刑結果，但無論結果如何，市民都應好好咀嚼判詞細節，「同埋所奠定嘅基礎、原則，對於我哋之後嘅社會會有咩影響，我好渴望大家會一齊去諗」。
被問到近況時，李予信表示最近「都係咁啦」，「呢幾年都係處於一個平和啲、嚴謹啲嘅狀態，冇乜大嘅起伏」，一直緊守工作崗位，「做返自己要做嘅嘢」。
