即時娛樂

《破.地獄》團隊結束東京電影節之行 黃子華有感一切得來不易

出版: -
0
《破.地獄》團隊結束東京電影節之行 黃子華有感一切得來不易
黃子華、許冠文、衛詩雅、朱栢康及周家怡領銜主演,陳茂賢執導兼親自執筆的電影《破.地獄》將於11月9日上映。陳茂賢連同黃子華、許冠文、衛詩雅,加上趕飛東京加入的朱栢康,團隊齊齊整整連日於日本東京出席東京國際電影節《破.地獄》映後分享及相關之業界交流活動。黃子華完成行程後直指:「我覺得有一套電影能夠走出香港都唔容易。呢次喺東京睇到觀眾朋友既反應好好,覺得好安樂好幸運。希望可以拍多啲戲,比全世界都欣賞到。」
【新聞有價 記者有格 立即訂閱:https://bit.ly/3wGQh7c

黃子華與許冠文相隔32年再度合作,今次東京之行難得合體再聚,二人出席連日的映後分享會與觀眾交流,許冠文則感到興奮,期望觀眾入場支持《破.地獄》:「今次好興奮,可以跟隨着《破.地獄》團隊來參加東京國際電影節,亞洲各地嘅業內和影評人反應不錯,亦見到香港政府大力幫助電影行業,至於電影最終是否成功,就看我們作品的實力和質量,希望吸引多一些觀眾入場支持!」
女主角衛詩雅透露是次東京之行尤其珍惜跟團隊成員之相處時光,她指:「呢個東京之旅係非常之開心難忘又緊張。首先開心嘅原因係,我覺得好榮幸能夠帶住《破.地獄》同我哋成個團隊嚟東京國際電影節,覺得非常榮幸,好似帶住一個香港嘅傳統、一個非物質文化遺產去畀世界各地更多人去認識。而好深刻既事唔少得我哋團隊成日一齊聚埋,仲要一齊踏上紅地毯。」衛詩雅大爆深受兩位神級演員的呵護,大嘆感動:「喺行紅地毯嘅時候,天氣比較凍,為咗靚就揀條靚啲嘅裙,但始終室外,好凍,咁子華神一個好細心嘅舉動令我好感動,佢喺準備行紅地毯之前,子華神拎咗件西裝褸比我,佢自己身上個件西裝褸,比我披一披先,所以好感動。同埋戲中爸爸Michael 神一齊行紅地毯,感覺加倍榮幸。」

朱栢康因工作關係,未有出現在紅地毯,但他完成工作後也立即趕往東京參加《破.地獄》分享會,朱栢康表示:「我感到非常榮幸同驕傲,代表《破.地獄》同團隊一齊參與東京國際電影節,能夠同觀眾交流,呢件事非常鼓舞。當地觀眾反應好正面,好尊重我哋嘅作品,亦都好珍惜每一次喺東京同團隊或者同業交流嘅機會,係今次行程特別可貴嘅地方。希望香港電影能夠代表香港再有機會去到唔同地方。」

至於導演陳茂賢則分享是次東京之行意義重大,親身感受到跨地域之文化交流,亦深深感受到日本觀眾的熱情,他簡單總結整個行程:「能夠將很代表到香港的《破.地獄》來到日本東京國際電影節,並能參與創意香港的making wave 節目,十分感恩與《破.地獄》團隊一起感受日本觀眾的熱情,聽到他們分享對香港文化的興趣和對戲中演員們演出的喜愛,感到十分榮幸和興奮,接下來《破.地獄》將會回到香港,準備正式跟觀眾見面,期望《破.地獄》能繼續走遍世界,將香港電影帶給各地觀眾,如是我信。」
求真求知 報道實況 三年風雨 屹立不倒
如果唔想我哋消失😭
繼續全天候睇到最新+全面+真確報道
同消閒副刊、生活資訊、體育、娛樂等創新優質多元資訊
請即成為Channel C付費會員「自己友」 訂閱享專屬福利!
👉🏻https://bit.ly/3wK00JQ
下載埋Channel C App 瀏覽足本報道!
👉🏻https://channelchk.com/app
大大力召集更多廣告推廣/媒體合作 專業用心締造流量保證!
👉🏻[email protected]
感激讀者及客戶厚愛與扶持 支持我哋穩定營運長遠拓展
屬於Channel C一份子嘅每一個您 成就未來每個週年🫶🏻
【盡知天下事 唯有Channel C】

🔥「爆片爆相」返嚟喇!🔥 
一經獨家採用將會獲得由
齊柏林熱狗店送出$50禮券乙張! 
報料:https://wa.me/85264691456
爆片爆相