特區政府在各區成立的關愛隊早前被中大學生刊物《大學線》追蹤報道後，引起社會關注。民政及青年事務局局長麥美娟昨日（10日）出席關愛隊活動後，表示不時有街坊參與活動期間「熱心支持」及提供協助，認為有街坊與關愛隊一同提供服務「正正就係我哋嘅目的」。她重申每兩年最多可獲150萬元資助的關愛隊是義務工作，所有資源都用在市民身上，希望傳媒協助推廣關愛隊的服務。
【新聞有價 記者有格 立即訂閱：https://bit.ly/3wGQh7c】
麥美娟回應此前《大學線》報道中有官員表明不公開關愛隊工作報告，稱民政署與關愛隊的服務協議為期兩年，以最早成立的南區和荃灣區關愛隊計算「都未完」，政府在協議期後會以合適方法，就關愛隊的工作指標提供整全和全面的資料，認為這屬適當，「個服務協議反正到而家，其實都係未完期、未完成，咁所以係咪應該喺服務協議完成之後，我哋將佢嗰個工作嘅目標、指標達到個情況向公眾介紹咁？」
麥美娟重申關愛隊只是成立「短短嘅時間」，關愛隊已透過不同平台宣傳，讓市民知道其工作或成績，「另一方面都要拜託你哋，希望各位傳媒朋友可以多幫我哋，將我哋關愛隊嘅工作同服務，可以講畀我哋嘅市民聽」。她表示關愛隊若可獲更多資源，便能服務市民，重申所有資源都用在市民身上。
稱不時有街坊熱心幫助
對於報道發現有疑屬非關愛隊成員穿上關愛隊背心拍大合照，麥美娟稱每隊關愛隊成員不多，「大概就係8至12個人」，因此有時舉辦活動時需招募義工，街坊不時熱心協助，「如果大家有參加過呢啲地區活動，都會有啲街坊喺參加活動嘅時候，譬如我哋舉住一個牌，帶啲街坊去旅行，有個牌講第幾車，有啲街坊就會『嚟，我幫你揸住先』咁樣」。
麥美娟續稱一般而言為了識別，「有啲人會做工作證、義工證，有啲係用背心」，形容吸引街坊參與「正正就係我哋嘅目的」，「希望參加嘅街坊朋友唔單止係一個服務嘅受眾，亦都可以鼓勵佢哋同關愛隊一齊去提供服務」，認為有街坊穿背心正是「達到目的」。
麥美娟自言關愛隊成立後「好多街坊都好肯支持我哋」，對此表示「好感激」，強調關愛隊成員全屬義工，「佢哋全部都係用照顧自己家庭嘅時間，或者係用工餘嘅時間參與社區服務」，而有突發事件發生時，關愛隊也會「做一個動員」服務市民，希望社會「睇到關愛隊嘅服務」，並讓市民「真係感受到社區嘅關愛」。
