香港網球手黃澤林在美國邁阿密網球公開賽32強止步後，昨晚（26日）返抵香港。黃澤林回顧比賽時表示自己打大賽經驗較淺，認為今次表現不錯，自己亦已盡力，感謝香港市民的支持，「佢哋畀到好多動力我」。黃澤林稱今次擊敗世界排名第14的舒爾頓令他信心大增，希望藉此告訴公眾香港網球員「係可以」，回港後最想吃火鍋，又透露可能與YouTube頻道JFFT合作。
【新聞有價 記者有格 立即訂閱：https://bit.ly/3wGQh7c】
黃澤林昨晚約11時多抵達赤鱲角機場抵港大堂見記者，他推着多件行李，有體育記者送上他愛吃的叉燒飯。20歲的黃澤林站在咪兜前笑稱「係咪有人會問㗎」，其後回顧比賽過程，稱今次作賽「都唔錯」，亦加強他與教練團隊的信心，「頭15嘅（球員）都可以贏到」。黃澤林表示連同邁阿密大師賽在內已連續參與6至7項比賽，自言「都幾攰」，「好開心最尾可以做得唔錯」，又笑稱比賽前有喝可樂「提神」。
稱拿度親自致電恭賀
黃澤林憶述於邁阿密次圈對舒爾頓時，對方有主場之利，「成個場得我嗰Team係幫我，其他人都係幫對面啦」，起初也感到緊張，形容該場打得很好，但也耗費不少力氣，最後一場對禾頓（Adam Walton）時出現抽筋，「開波又跳唔到」，形容自己已經盡力，雙方也「咬得好近」。黃澤林表示「打呢啲比賽你每場都要畀100%，我都未好習慣到」，稱自己打大滿貫及ATP 1,000分級賽事經驗尚淺，「要啲時間適應」，會慢慢學習處理。
黃澤林多年來在西班牙網球好手拿度的網球學校受訓，黃澤林透露拿度在邁阿密次圈後，透過經理人取得他的電話號碼再親自致電他，「佢專登打畀我，仲text我話『恭喜你』，話『希望你可以繼續努力』，佢覺得我係一個世界級嘅球手」。黃澤林表示感謝拿度，稱對方「幫到我好多」，「佢每一句嘢，可能對於佢係冇乜嘢，但對於我嚟講意義都好大」。
料戰西班牙兩泥地賽
對於香港市民的支持，黃澤林表示比賽期間「唔夠膽睇我部電話」，擔心外界的評價會影響自己，但感謝所有支持他的香港人，「佢哋畀到好多動力我」，「我啲朋友都有開直播睇我，我都收到晒，好多謝佢哋」。黃澤林稱部分人認為香港網球員「唔得」，過往亦沒有香港網球員能擊敗世界排名首20名的球員，「我想話畀佢哋聽係可以」，希望日後有更多人投身網球，「可能有更多細路仔，想好似我咁周圍去比賽」。
黃澤林感謝教練團隊，「佢哋喺後面一路支持我，因為佢哋都一路知道我係得嘅」，目標是升上世界排名前100甚至50名，但這需要持續有穩定的表現，「你要平均，可能要入到八強、四強，所以我要知道點樣持續發揮到好嘅成績」。黃澤林表示有信心提升世界排名至前100位，預告將嘗試泥地賽事，計劃參加4月舉行的巴塞隆拿公開賽和馬德里公開賽，兩場賽事分別處於ATP 500和ATP 1,000級別，黃澤林預計入圍巴塞隆拿公開賽沒有問題，馬德里則要爭取以外卡身份入圍。
或上JFFT合作
黃澤林自言一直有進步，「可以逐關逐關去上」，回港後會先休息，「唔好掂塊網球拍，休息一下再嚟過」，在香港最想打邊爐，「最鍾意local嘢」，也希望跟公眾分享今次出賽的經歷和感受，透露不排除與YouTube頻道JFFT合作。
