你記得嗎？「hihi」、「yooooooo」、「李家超見記者」…人類總是要犯同樣錯誤！《BBC》於英國當地時間星期二（24日）早上播放網球新聞時，畫面下方字幕出現了「曼聯是垃圾（Manchester United are rubbish）」的字句，引起公眾熱議！雖然之後《BBC》出聲明道歉，不過唔少球迷卻話報道「準確」！
【新聞有價 記者有格 立即訂閱：https://bit.ly/3wGQh7c】
事發當時，《BBC》播放緊有關法國網球公開賽嘅新聞，但係就無啦啦出現「曼聯是垃圾」嘅字幕。見到呢啲事情，大家一定係瘋狂Cap圖！Cap圖好快就喺網上瘋傳。兩小時後，主播Annita Mcveigh就好尷尬咁道歉：「較早前很多觀眾可能留意到字幕中，出現了某些關於曼聯的『不尋常』字句，衷心希望曼聯球迷沒有受到冒犯。」主播之後又解釋，話當時電視台嘅實習員工就訓練緊處理字幕，所以求其地打咗啲「無關重要」嘅字句。
之後《BBC》都出聲明，話「員工進行字幕操作訓練時，出現技術性失誤，並意外放送了幾秒鐘。對於任何感到冒犯的觀眾，我們致以最深的歉意」。不過今屆英超，曼聯表現就強差人意，只係排第6，所以有唔少網民都叫《BBC》唔使道歉，又大讚報道「中肯」、「準確」，講事實咁話。當紅魔粉絲都同意「曼聯是垃圾」呢個評語，甚至話呢個係《BBC》「至今最忠實嘅報道」，都大概知道球迷有幾失望……
