上屆奧運羽毛球混雙殿軍「鄧謝配」賽前已表明今屆是最後一次組合，惟在巴黎奧運羽毛球混雙項目不敵南韓組合，八強止步。賽後兩人也哭成淚人，接受傳媒訪問時謝影雪公開自己負傷備戰的辛酸故事，指自己兩至三星期前仍在醫院急症室，甚至「連牙膏都唧唔到」，旁邊的鄧俊文一邊聽一邊哭，兩人多次以比賽毛巾抹眼淚。
【新聞有價 記者有格 立即訂閱：https://bit.ly/3wGQh7c】
謝影雪指自己曾擔心因為傷患無法出戰巴黎奧運，「兩三個星期前，我喺醫院急症室，喊住問醫生，仲去唔去到（奧運）？」最後在醫生進行治療下，仍能出發；但傷患困擾謝影雪的訓練和情緒，她稱「過去一個月，每日都喺球場喊，佢（鄧俊文）也受咗我好多！」
謝影雪續指，自己在一個月前「連牙膏都唧唔到，頭都梳唔到，到今日完成奧運，好多謝所有人嘅幫助。」又感謝拍檔「好多謝俊文在我不能練習時都做好自己，又無怪我受傷和生病，感謝他一路都堅持。」
這時候謝影雪泣不成聲，把咪高峰移到鄧俊文，他指「奧運前一個月，真係好辛苦、好辛苦，無論心身體還是心理都承受好多」。鄧俊文指「我哋喺奧運計積分前個成績真係好差，我哋兩個真係一分一分咁頂返嚟」。對於今屆表現，鄧俊文認為「雖然最後攞唔到獎牌，正如阿雪所講，我哋真係盡咗最大努力，一分一分咁打返嚟，所以對我哋嚟講都算滿意。」
最後記者邀二人講出心底話，謝影雪先指「好感恩遇到你！本身打完女雙之後有諗過可能要退役，但我遇到你呢，我哋高高低低咁多年，我又受傷咁多次，你都沒有放棄我。其實亞運完、爭奧運資格前，其實我都見到有好多留言叫我退役等俊文搵一個更好拍檔，我有懷疑自己、對自己無信心，我都問過佢不如你搵過個好啲嘅拍檔，但佢都堅持繼續夾我，所以我好多謝你沒有放棄我！」
鄧俊文亦感謝拍檔指，二人做了拍檔一段時間，雖然受傷的不是自己，但是每次望到謝影雪受傷亦會替她感到辛苦，他續指運動員由受傷到康復，再重回高水平，是一件艱難的事，又感謝對方多次受傷，仍沒有放棄。最後鄧俊文稱「如果七年前冇遇到佢，都未必有今日嘅鄧謝配、未必有今日嘅鄧俊文。」
