EomBuy特約爆片爆相｜前日凌晨（5日）1時許，兩幫人在大埔李福林體育館外打鬥爭吵，嘈醒了街坊B先生，他立即拍攝情況，再向Channel C報料。
【新聞有價 記者有格 立即訂閱：https://bit.ly/3wGQh7c】
從片段所見，多人在街上叫囂，粗口橫飛，亦有打鬥聲音。目擊事件的B先生接受Channel C訪問指，「見到有人瞓低咗，畀人打緊，逃走嗰班架車畀人打爆咗玻璃，打爆玻璃嘅人喺架車度攞咗支長條形嘅唔知咩。」B先生話打鬥維持了大約5至6分鐘，最後再有兩至三部車駛到，接載一些人追逃離的車。而警方約在半小時後才抵達，故當晚並未有拘捕任何人。此外，又有另一位讀者向Channel C報料指，兩幫人去到大元邨仍繼續打，傳雙方都出動約20人，可謂大混戰！
細心聆聽B先生拍攝的片段，可以聽到打鬥的人「撻朵」，提及過「勝和」和「肥彬」，原來事件牽涉大埔新義安肥彬的門生和大埔勝和濤仔的門生。事發當晚，濤仔的門生樂仔和亨仔，到李福林體育館附近的桌球室玩，當時肥彬門生約20人也身處該桌球室。
兩幫人相遇，肥彬門生就問候對方「啤咩呀啤」，結果引起爭執，繼而動武。樂仔和亨仔寡不敵眾，隨即叫多7至8人來幫忙，由桌球室打到樓下，就是B先生拍攝到的一幕。據悉，雙方大佬了解過事件只是小朋友齊打交，已經勸阻別再生事。
