唉…Tempo哥又出事喇！佢又畀人打喇！
網傳一段短片，有幾個人喺一個裝修單位圍毆Tempo，當中有人話：「Tempo哥係咪要$5000？畀你，你敢唔敢攞？」疑似Tempo去收陀地，結果被打。片中又有人問Tempo係咪有人指示佢上去，Tempo就回應話「我自己上嚟，標哥，標哥，標哥，對唔住！」
今次Tempo唔單止被打，後續仲被請飲野，雖然有人話「飲晒啤酒」，但另一個人又話「好L熱氣喎你」，令人懷疑佢哋迫Tempo飲嘅係尿，又話「飲晒畀多$500」，最終Tempo無飲晒，班人就揼咗五百蚊紙落地畀佢。
受左咁多苦，最終先收到$500蚊，之後有人影到佢喺小巴嘅相，情況相當可憐。
據指，Tempo哥曾經坐監，佢份人不嬲鍾意自吹自擂，同埋份人係有啲問題。Channel C收到風，Tempo哥懷疑去事發單位收陀地，結果畀人認出，知道佢無料到，於是就郁手打。雖則收陀地係唔啱，但都唔使打到佢爆晒缸，兼迫人飲野掛，希望警察見到會做嘢啦！
其實Tempo哥已經唔係第一次被打，12月頭，佢一響成名，響朵話自己跟雄雞，結果被人打，然後過幾日，又因為響雞哥朵再被打。唉，希望Tempo哥以後生性做人，大家見到佢都唔好再搞人喇！
整合po：
【原片】真人版甜筒輝收陀地反被爆缸
【原片】真人版甜筒輝收陀地反被爆缸
【字幕版】好慘呀！Tempo再被兜巴星！上唇包到變唐老鴨
