10月31日凌晨2點幾，一部紅色私家車喺粉嶺被「隱形戰車」追截，逃走期間高速駛入粉嶺工業區，喺樂業路與業和街交界掟彎失控，鏟上花糟，如砲彈凌空飛插入一幢工廈，半身卡喺工業玻璃窗上，車頭嚴重損毀。
不過，以上情節竟然係10月2日凌晨3點幾，喺上環發生幾乎一模一樣嘅意外。當晚，一部白色Benz喺半山被警方追截，駛至上環西港城掟彎入新街巿街亦失控，撞到路邊鐵欄，砲彈式直衝入對面3間地鋪，好彩唔係發生喺日間，否則後果不堪設想。
同類意外，喺一個內發生2宗，令人關注司機駕駛態度大倒退問題。而喺上環的車禍中，最受害嘅3間地舖嚴重損毀，閘門和貨品被撞爛晒，至少一星期無法開工，加上捲閘和貨架等要重整，老闆手停口停，損失幾個月人工。
最慘係，車禍發生大半個月，受害老闆求助無門，根本無法取得涉事司機或車主的資料，以作出民事追討，感到相當無助。
