杜汶澤喱騷自家製劇集《在觀塘下體現愛的故事》今日正式首播！Channel C專訪咗劇中四位演員Renee李蔓瑩、馮海銳@拾陸比玖16:9 、ZAIN @giveZAINamin 和陳樂妍，share拍劇趣事兼必煲原因！
Renee大爆為呢套劇獻出螢幕初吻，「我嘅螢幕初吻喎！我緊張到個心好似吉咗，狂跳，呢個真係必煲原因之一！」佢又話今次係好多人「處女下海」嘅劇，引嚟一輪大笑，馮海銳即插嘴指，「都係杜太處女下海做監製嘅劇！」樂妍亦大讚田蕊妮畀咗好多鼓勵同自信大家，畢竟呢套劇起用咗好多新人，大家都無乜經驗，好多謝佢嘅指導，能夠順利完成拍攝。
Zain就自爆有場「自我解決」嘅戲，話製作組比佢仲興奮，形容係雙眼發光，「連嗰個液體都有道具，唔只係白膠漿，係用專業模仿嗰樣嘢嘅液體，好認真。」佢話拍劇亦都係製作組嘅舞台，好respect佢哋咁專業。
《在觀塘下體現愛的故事》今日正式喺《喱騷》首播，只要成為VIP會員就有得睇喇，網站 www.lateshow.net。另外，《喱騷》今日亦正式推出由前壹傳媒同事主理嘅全新頻道《喱週》，大家要多多支持！
