疫情下，奢侈品成疫市奇葩，除了永遠見到名牌袋店經常排有長長人龍外，名錶勞力士也一樣受追捧，Channel C到多間勞力士專門店視察，發現錶櫃空空如也，全店只得幾隻錶賣，有錢都未必找到心頭好，可謂一「撈」難求！
「我哋有現貨都立刻show出嚟，呢隻如果賣埋都無喇! 」勞力士店員指，旗下腕錶今年1月1日起全球加價，但一眾「勞迷」未受影響，繼續追捧，雖然顧客可登記排隊輪候，但何時到貨，店員卻稱不知道，他們也形容情況誇張，「呢一年見(返貨量)愈來愈少，以前DATEJUST無人買， 依家都照殺， 即使K金錶，只要客人啱心水，咩價都唔理，照碌卡！」
相反，市面二手錶行就愈開愈多，其中旺角仁安大廈由昔日模型舖集中地，轉為二手錶集散地，當中勞力士炒價更屢創新高，經營20多年的名錶廊老闆Kenneth指，勞力士在過去一年升了50%至100%，其中最為人熟悉的地通拿熊貓，前年賣24萬，去年已炒到33萬，冰藍地通拿(型號：116506)2至3年前不用炒，且有折扣，40幾萬已買到新錶，但現在竟然要90幾萬元，升逾一倍。
他解釋，勞力士在疫情下減產致供應減少，相反需求卻增加，因不少人已視它為另類貨幣，加上猶如找換店的二手錶行急增，令買家更易將手錶換成現金，令勞力士價格不斷飊升。「以前一隻錶由5萬升到6萬，會維持一段日子，但依家市場缺貨，呢一秒有10個人搵緊熊貓，但市場上得2隻， 嗰2隻一走，就變下一口價! 」他更舉例指，去年底，Patek Philippe (百達翡麗)旗下首款採用「Tiffany Blue」配色的5711/1A-018 Nautilus， 全球限量170 隻，在拍賣會上竟拍得5000多萬港元，即時帶動勞力士同是「Tiffany Blue」配色的Oyster Perpetual 41mm (型號：124300)，在一日內由 12萬炒高至至24萬。瘋狂升浪亦吸引不少勞力士愛好者趁機散貨，Kenneth指有朋友更賺得一筆首期，相當和味。
由19歲開始買「撈」的昌哥，近2、3個月也賣去7隻錶，賺了20多萬元，部分是30年前買入，即使錶面水晶玻璃崩脫、鋼帶有花痕，一樣有人要，他形容：「依家佢哋唔理，總之有貨就即刻俾現金買。」但他認為未來炒價只會橫行，大升機會微，若成功通關，升浪更可能結束。
市民陳生最近也賣掉手上所有勞力士錶，「升值全部人造出嚟，依家仲賣晒? 等佢跌先再買，開關後大把機會買! 」鍾生則選擇持貨，「買錶部分原因為咗戴， 賣咗可能買唔返！」
市民陳生最近也賣掉手上所有勞力士錶，「升值全部人造出嚟，依家仲賣晒? 等佢跌先再買，開關後大把機會買! 」鍾生則選擇持貨，「買錶部分原因為咗戴， 賣咗可能買唔返！」
