政府最快明年4月起，禁止進口、製造、售賣、分發和宣傳電子煙和加熱煙，有團體早前更向財政司長陳茂波發信，要求加煙稅100%，希望令一眾煙民戒煙，但相信政府此良計未必行得通！不少煙民近日已轉食一種平價的「大劣煙」，士多、便利店更公然出售，Channel C放蛇發現，一包煙僅售30元，較市面大品牌平一半，更比煙稅38元低，令人懷疑這些平價煙並未完稅！
「呢個(來自)韓國，呢個英國，呢隻無咁濃，呢隻就濃啲！呢啲都係一樣價錢！」大角咀一間士多，煙架上放滿多款不知名品牌的香煙，貨架沒標出價錢，向職員查詢，才知大部分只售35元，且買得愈多，價錢愈平，如買三條以上(一條10包)，每條僅310元，即一包煙只需31元。
職員聲稱這些平煙來自日、韓、英等，更稱已完稅，但味道因人而異：「最緊要喉嚨......喉嚨無唔舒服咪OK囉，有啲客一開始未慣，會先兩溝，慣咗就全部轉晒(平價煙)。」
另一便利店亦有售平價煙，賣42至45元一包，雖然略高過煙稅38元，但計一計數，煙商只賺7至9元，是否又有可能? 職員透露：「以前賣得平啲，但依家唔得，少一蚊都唔得！」這些平煙設不同口味，有薄荷、咖啡味，甚至爆珠等，平均每4個就有一個回頭客。
記者訪問多名年輕煙民，發現不少已轉食平價煙，「成班朋友㷛煙，有人拎一包出嚟，粒(爆)珠度有唔同口味、熱情果呀、忌廉味，好得意囉，女仔想食得無咁寡，有啲口味轉下！」亦有女煙民因貪平購買，「難食囉，但平囉，驚假煙，但間中(食)啫！」也有阿叔在士多購入100元三包的「澳門煙」，「無話抵唔抵，睇你食唔食到得，我自己就話食得囉！」
全港報販大聯盟召集人李榮柏表示，過去有人向他們兜售平價煙，「佢賣400蚊一條，但會話新煙嚟，依家推廣期間，一條送多5包、3包，即係除開一包30蚊、30幾蚊，如果我哋賣40蚊、43蚊， 都賺得多過正價嗰啲！」
他估計這些煙是混入已完稅煙出售，「有部分已完稅，部分未完稅，入咗倉，混埋一齊，你唔知㗎嘛！」他們曾就平價煙向海關查詢，「我哋問點樣識別，佢話識別唔到，如果批發價唔正常，咁你咪自己知囉！」但他指，供應商往往以推廣來做藉口，商販根本很難分辨香煙是否有問題。
過往海關亦曾就市面平價煙執法，2014年曾搗破一間持香煙進出口牌照的公司，將未完稅香煙攙雜在已完稅煙中，再供給士多、報攤等出售。2018年亦曾在觀塘一間士多檢獲11萬元私煙，拘捕士多負責人，而今年以來，海關檢獲逾4億500萬支私煙，更是20年來單年新高，反映在政府全力控煙下，私煙反而愈漸猖獗。
