星期四(27/4)發生的長洲謀殺案。警方昨日下午三時,押解43歲姓羅疑犯到大新後街現場重組案情。警方將疑犯黑布蒙頭,腰纏鐵鏈,雙手鎖上手扣,帶同假人模疑案發經過。疑犯曾經用腳踢向公仔,又彎腰查看公仔表示「佢有呼吸,擘大咗眼嘅」。警方全程用攝影機拍攝,歷時大約40分鐘。
【新聞有價 記者有格 立即訂閱:https://bit.ly/3wGQh7c】
警方前日交代案情指死者和疑兇都有黑社會背景,相信事件和金錢糾紛有關。有傳媒報道當時二人碰面,疑兇向死者收數百元款項。消息指,死者外號是「白板仔」,疑兇叫「細舊」,二人均屬新義安。白板仔是細舊的「大佬」,為人疏爽有義氣,不時接濟下部下包括細舊。細舊十多年前已經有吸冰毒習慣,經常神智不清神神化化,吸毒後就會到大街騷擾居民,在長洲已經神憎鬼厭。平時白板仔見到細舊騷擾居民都會出面阻止。消息指今次同樣是細舊騷擾居民,白板仔出來阻止而發生命案。