EomBuy特約爆片爆相｜讀者陳太上星期五3月25日早上在中環Donki外拍攝到一名警員與一名外賣員發生爭執，期間有途人幫忙勸說亦遭警員責罵，陳太認為警員態度有待改善。
從陳太拍攝的片段可見，一名外賣員把電單車泊在中環Donki外面，有名警員指其違泊，叫外賣員出示身份證及駕駛執照。但外賣員發現電單車的側架卡在坑渠口，動彈不得，故沒理會警員指示，先把電單車拉出，期間曾要求該警員遠離一點，避免拉車時撞傷他，但警員只顧叫外賣員出示身份證及駕駛執照，並沒有行開。途人有見及此都出聲幫忙勸說，警員反質問途人：「你識佢㗎？」。雙方爭執數分鐘後，外賣員成功救車，知道警員都會抄牌，就先進Donki取外賣，但出來後發現警員是抄了兩張牌，陳太指，「一張就話佢禁區停車，另一張因為我睇到佢隻手攞佢個車牌後面張行車證，拉出嚟睇，就話佢張行車證收埋喺車牌後面，抄多咗一張，所以個事主當時喺度苦叫，問吓？點解呀？」
陳太目擊事發經過，指警員好像怒火中燒，說話的語氣像歧視南亞裔人，「佢話扮咩呀你哋？要我講英文呀？好惡嘅，好大聲，好侮辱佢哋嘅！」陳太認為警員在禮貌方面有待改善，「你抄咪抄囉！係咪又要問候人哋阿媽呀？佢好似好有威嚴、好有勢力，好似黑社會咁大聲，好似黑社會咁嘅口吻。」陳太認為要在香港找一個車位或錶位都很難，抄牌都不用當別人低人一等。
