藍店空姐牛肉飯4.26執笠！著名藍絲Matt Leung到西九龍中心6樓因現「高山症」未能支持

位於西九龍中心8樓，以撐警而聞名的空姐牛姐飯，店主郭德英昨日在YouTube宣佈將會在4月26號光榮結業。「有好多人話係唔係執笠，或者叫光榮結業，就係閂門。我會叫光榮結業，嚟一個華麗轉身轉跑道。」

郭德英表示由於旅行社工作繁忙，未能兼顧兩邊，早前已有結業打算，但不想被黃絲睇死，所以才堅持至今。她覺得旅行社發展一定比牛肉飯大，甚至賣樓會比賣牛肉飯好。「黃人一定開香檳拍爛手掌，但係我自己或熟我嘅朋友都會恭喜我嘅。」叫黃絲看完這條片要開香檳和切燒豬。她又透露自己好少吃自己煮的食物，有日突然感慨便吃一碗，「食落又真係幾好食」。不過在食評網站Openrice，頭三位的食評也是劣評。其實郭德英在月初曾經表示，現實並非大家想像那麼多人身體力行支持他們，更拍撐警沒有回報，反而代價就有好多。