28歲名媛蔡天鳳（Abby）碎屍案，死者十多名親友今早到沙田富山殮房辦理認屍手續，其後死者丈夫Chris、父母、家翁、家姑及多名親友，中午到大埔龍尾村案發村屋單位外路祭。眾人神情哀傷，蔡母難忍悲痛，一直痛哭，需由死者丈夫在旁攙扶，並自責與女兒通電話後，但仍幫不到她：「阿囡！你真係死得好冤枉呀，咁乖咁孝順話無就無，媽媽以後都見你唔到！」她提到Abby是「媽媽個寶貝」，形容「好似發咗一場夢咁。」
【新聞有價 記者有格 立即訂閱：https://bit.ly/3wGQh7c】
丈夫Chris上香時，則向亡妻表示「好感激遇到你」、「好走喇老婆，唔好掛住我哋」，並承諾好好照顧4個子女，完成Abby生前想做的事，其間他亦不禁落淚。死者家姑則着Abby不用掛念他們，他們會堅強湊大並好好教導4名小朋友，不會令Abby失望：「媽咪同爸爸好感激你出現呀」、「雖然緣份短，我哋下世天堂見」，並指Abby「今生善良用錯咗地方喇！傻妹！俾咗啲唔值得、俾狼心狗肺嘅人食咗你個心。」
另外，警方今早繼續到打鼓嶺堆填區挖垃圾搜證，尋找案件證物，包括死者軀幹和雙手。
