荃灣汀蘭居聲稱為了配合政府抗疫，被政府落實徵用為「社區隔離設施」，在今個月3日向租戶發信要求他們3月15日或之前搬走，令一眾租戶大失所措。有租戶馮小姐向Channel C訴苦，指現時外間的租金已經升了五倍，短時間內根本找不到地方租住，加上酒店提供旳賠償不合理，連日來報警、去信特首辦、各政府部門及議員等都求助無門，明日3月15日已經是期限，實在十分徬徨！
馮小姐指酒店出信聲稱被政府落實徵用為「社區隔離設施」，但細問之下才知道根本是酒店自己申請，「商業決定你要做檢疫酒店，會收到政府嘅一筆錢，但係又唔賠畀我哋！」她指每次與酒店聯絡都只有一個回覆，「願意賠償一個月租金，請你3月15日退房。」馮小姐指現在以每月一萬多元租住汀蘭居，合約期至10月28日，「我份合約係死約，無通知期，講到明我就算唔喺度住，都要畀晒咁多個月嘅屋租，仲有一句寫住任何情況，我們份約都唔可以違反。」但這段期間，馮小姐指酒店迴避收租，更反指租客無交租，「有合約都唔收租，其實已經犯晒法，我唔知點解香港無王法！」
馮小姐指酒店曾提供另一選擇，就是要求她搬到另一間房，該房沒提供微波爐、衣櫃等，房型比現在的細一半，「根本唔可以接受，酒店畀間七千蚊屋租嘅房我哋，仲要我哋交返原價萬幾蚊租，嘩！我覺得整件事是匪夷所思！」她指自己只是要求合理的賠償，「酒店違約就要賠合約期嘅金額，因為係相對，如果我唔住，我違約，我都要畀合約期嘅金額，呢個係酒店違約嘅責任！」其次，馮小姐同步都搵過其他酒店，但價格是比現在貴三至五倍，她根本負擔不起。
原本約130戶租客，現在只剩約40戶仍未搬走，馮小姐指多數為長期合約租戶。她解釋對短期租戶而言，例如因為裝修需要住一至兩個月，而酒店願意賠償一個月，他們找其他酒店住都只是付出多一個月的昂貴租金，所以大多願意離開。但對長期租戶來說，原打算住上半年至一年，在酒店只賠償一個月的情況下，他們就難以一下子負擔往後日子的昂貴租金。馮小姐指堅持不走的租戶好慘：「我見到有啲人跪落嚟，喊住咁叫酒店唔好趕佢哋走，呢度係我哋嘅屋企，因為我哋係簽咗租約！」
這段時間馮小姐已經向很多地方求助，但都無用，「我哋報警求助，警察就話租務糾紛你哋自己處理，警方迫唔到酒店收租。我們去信特首辦，又話係衞生局處理，衞生局就話係食物及衞生局負責，然後食衞局又回覆話，長期住客同酒店之間嘅安排，請你哋同酒店自己洽商。我哋去信立法局，有畀葉劉淑儀，要開名，所有有電郵嘅區議員我哋都去信，無人救我哋。」
由3月3日至今，馮小姐指一直處於驚恐狀態，因為酒店職員曾在沒有通知租戶的情況下擅闖客房，解話是做工程，亦都有失竊個案。她分享有位租戶的租期到3月11日，當日酒店工程部有人爆門入房，聲稱找不到該租客，「酒店竟然係爆門！但爆門又點呢？係咪弱智嘅呢？唔通你移動佢咩？最後咪又係報警。」
馮小姐稱現時狀況是膠著，不知道最後酒店會用甚麼方法趕走他們，「我哋嘅心情係好徬徨，你明唔明呀？」而警方只是跟他們說，若酒店有不供應水電、不准入房、不清潔等違反租約的行動，他們可以報警求助。
