歸家佬怕拒載佬，拒載佬怕醉酒佬！觀眾向Channel C獨家報料，拍攝到1名疑飲醉的老翁在上水港鐵站外，因被的士司機拒載，繼而發酒癲大鬧的士站！他不但擋在拒載綠的前抗議，更舉起「加藤單指」，舌戰多名鼓譟的候車客，又忽然「插水」躺平。

醉伯：全部上晒車，我唔阻你哋。我X你娘親香茜，你係咪話我冇錢畀呀而家？
候車男A：好L大陣酒氣呀佢！
⋯⋯
醉伯：你想玩乜嘢？
候車男B：行開啦！喂！人哋車要行㗎！
醉伯：你想玩乜嘢？
候車男B：人哋唔使行呀？
醉伯：你講！
候車男B：走啦！阻L住晒！
醉伯：你行開啲啦！
候車男C：唔搭車，就行埋一邊啦！
候車男B：你哋全宇宙等緊你呀！L樣！
醉伯：X你娘親香茜！你係咪玩嘢呀？你係咪玩嘢？我X你娘親！
候車男C：玩就梗㗎啦！
候車男B：X你鹵味呀！
醉伯：出嚟吖！
候車男C：阻住搭車呀！出嚟！
醉伯：出嚟吖 x 2
候車男C：做咩呀？
醉伯：出嚟呀 x 2 係唔係出嚟？我有冇阻住你？全部行過隔籬搭車，我有冇阻住你1個？呢架車玩嘢啫！我有冇阻住你哋1個？係唔係玩嘢？
候車男D：人哋都係搵食啫！使唔使玩咁大呀？
醉伯：佢玩得大，定我玩得大？⋯⋯佢唔玩，我唔玩！

擾攘10多分鐘後，醉酒翁才願意「賞花杏仁露」，並挑選其中1名曾與他舌戰的候車男，埋身展開「激情對話」，更想拍下對方玉照。

醉伯：攞啲誠意出嚟吖？
候車男B：我都話畀你排呢度喇！得未呀？
醉伯：影唔影得相？
候車男B：你飲完酒呀？
醉伯：我梗係飲完酒啦！如果唔係，我唔使搭車啦！我如果冇飲酒嘅，我揸車啦！
候車男B：咪就係囉！
醉伯：咪就係囉！
候車男B：你使唔使叫架白車車你返醫院呀？
醉伯：吖都好喎！
候車男B：係咪囉！

（醉伯忽插水）

途人：哎喲！
候車男B：唔使理佢 x 3

（候車人龍繞過醉伯）
（醉伯自行站立）

候車男B：係咪囉！
醉伯：冇得搭車，佢話！

警察公共關係部指，2023年4月15日晚上11時半收到途人報案。對方看到有乘客與司機爭執，更懷疑有人醉酒後阻擋車輛。但警方到場後，涉案人已離去；沒發現有人爭執，在附近亦找不到他們。

同樣在場輪候的士回家的目擊者田先生，接受Channel C訪問時指出，雖然的士司機拒載醉翁，確實有錯，但認為醉翁「罵他1句就夠」；而且那麼多的士在後，醉翁大可嘗試登上其他的士，不應阻礙眾人歸家。「後方很多人排隊，不應阻塞他們。」