Channel C收到有人訴投美心西餅工場欠薪，拖欠將近一個月仍然未出糧，質疑美心集團管理不善及混亂。
投訴人古小姐早前在兼職網站，找到一份兼職是到美心西餅工場工作，其後因為可以修讀再培訓課程，所以離職，工作時間為3月5日至3月14日。至今日4月9日，離職將近一個月，仍未收到應有薪金。根據古小姐提供她與美心食品有限公司簽的合約，受僱日期是由3月5日起，每小時薪金為45元。
另外再有一份附加協議，寫明有「額外時薪」：入職日起工作至3月14日或之後，額外時薪為$20，即只要工作至3月14日時薪為$65。古小姐指當時每日工作9小時，工作9天薪金應該是$5,265。
3月底，古小姐知道其他的兼職同事已經出糧，查看之下才發現自己沒有，於是找美心人事部查詢，「唔聽電話㗎，後嚟搵到個ＷhatsApp先有人理我，佢話搵唔到我紀錄，連打卡、簽名紀錄都完全搵唔到，所以唔知點出糧畀我，最搞笑係佢話唔知我離職喎。」古小姐話當時每日要打卡6次，亦很清楚見到打卡機上有顯示她的名字，不明白為何會失去其上班紀錄。至3月30日，美心再回覆指找到麵包師傅證明她有上班，將於7日內資薪，結果至今仍未出糧。
Channel C與古小姐做電話訪問的時間為昨日（8日）中午12時，兩小時後約下午2時，古小姐的女兒就跟我們說，「頭先美心集團過咗700幾蚊畀我媽咪，時薪仲要得$45，完全違返合約，打電話去問話我媽咪淨係返咗兩日工，再追問就話『我哋再check check啦！』，仲要cut線，我覺得成件事好離譜！我哋再打咗幾次畀勞工處，勞工處係唔接電話，所以真係…我唔知依家可以點。」
Channel C本著「為民請命 抱打不平」的宗旨，就古小姐的個案向美心查詢，美心面對傳媒反應很快，公關立即聯絡我們了解，更找古小姐道歉。期後我們再跟古小姐做電話訪問，她說：「可能公關又再搵佢哋人事部或者會計部，先認佢哋系統出問題，話扣咗我7日代通知金。」古小姐的合約寫明「受僱日期第一個月內，雙方可隨時終止僱傭合約，無須給予對方通知期或代通知金。」目前，美心答應古小姐將於4月14日資薪，古小姐總算鬆一口氣，但不滿美心拖糧，「問題佢哋都係拖得太耐，點解要14號先肯出，我都唔知佢哋咁大間公司，點解做嘢會做到咁樣拖拖拉拉！」根據《僱傭條例》，僱主要在工資期屆滿後7天內資薪，故意或無合理辯解違反即屬違法，一經定罪最高可被判罰款35萬元及監禁3年。
