《Channel C》自家製節目《異類C考》，第二集繼續有前《恐怖熱線》監製胡耀輝（Mark）以及「高靈人士」Naomi論盡靈異大小事。被譽為「靈探始祖」的阿Mark，代表作除了《恐怖熱線》，《見鬼10》亦是不得不提的作品。換死人眼角膜、懷孕自殺、十字路敲碗、塗屍泥......「見鬼十法」流傳至今，到底編劇之一的Mark如何構思，當中哪一招最「靈」？於《見鬼10》扮演女鬼的Naomi，更大爆拍戲期間「瀨嘢」經歷！
【新聞有價 記者有格 立即訂閱：https://bit.ly/3wGQh7c】
《恐怖在線》開創本地靈探 全因Discovery Channel？
前《恐怖熱線》監製胡耀輝（Mark）離開電台時，將節目由電台帶到網上世界，與「鬼王」潘紹聰合作《恐怖在線》，更在節目中加入靈探元素。Mark指，當時為07、08年左右，視像發展開始成熟，自己又是Discovery Channel和National Geographic的粉絲，「我日日都狂睇，其中有啲係haunted house（鬼屋），拎個探靈機去做，我哋又試下做自己節目嘅版本」。
Mark指，當時與潘紹聰一同到較熱門的地方探靈，如達德學校、新娘潭等，「我都幾肯定我哋係最早做」。不過，他坦言當時拍攝技術受限，「攝影機唔係好似而家咁，咁暗嘅環境都影到嘢」，播放片段的平台亦為數不多，但希望為觀眾帶來更多視覺衝擊。
大讚《入住請敲門》 Mark想挑戰做直播靈探！
談到若有機會再監製一個靈異節目，Mark指《入住請敲門》拍攝手法有趣，但由於《入》是電視節目，受限於廣告播放，「如果我做，我會直播住莫竣名瞓一晚嘅過程，一刀不剪，個水喉開，我咪睇到佢點樣開」。他認為，現時仍然較少人做直播的靈探節目，即使現時最「沙膽」的AP，都大多是進入屋內一至兩小時。
《見鬼10》見鬼十式靠「老作」！Naomi扮女鬼變撞鬼
Mark代表作除了《恐怖》系列，更有份與彭氏兄弟合作編劇《見鬼10》。換死人眼角膜、懷孕自殺、十字路敲碗、塗屍泥等方式流傳至今，談到「十式」構思過程，Mark笑言「我諗九成都係老作」，但彭氏兄弟曾強調其中一式「倒栽頭」，「就係倒立，兩隻腳頭向後，喺胯下望返轉頭，我問呢招有幾勁？佢話泰國人真係信咁樣會見到鬼」。
Naomi於《見》中飾演一個無面女鬼，拍攝當日，其嘴巴、眼睛均被化妝品遮蓋，不可進食或說話。化妝後，工作人員安排她坐上輪椅在一間空房中靜候，期間卻不停聽到有人聊天，更有人將其輪椅推前推後，「直到凌晨3、4點到我去拍，工作人員推我出房，我先問頭先係咪有工作人員陪緊我，但原來一直都係得我自己一個，嗰刻我先識驚！」。
