男兒當入樽期間限定店無預約被拒入 燥男發爛渣狂鬧職員：客人係上帝呀！

「教練，我想打籃球呀！」植根於每個熱血青年心中，近日在香港上映的《THE FIRST SLAM DUNK》票房更加衝破3200萬，時代廣場的期間限定店更加人山人海。有讀者向我們報料，指一名男子昨日下午12時49分，由於未能walk-in參觀期間限定店，於是向店員炒蝦拆蟹。片中見到該男子最初表示特地過來參觀並非購物，希望店員准他進入。由於進入期間限定店需預先網上預約，店員拒絕要求，結果該男子不斷高呼「我要投訴你…我係客人呀，我係邊位呀？客人係上帝呀！你無客人幫襯食屎啦！」期間他更挑釁和恐嚇店員指「出嚟隻揪」、「打X死你」。最後大呼一聲「我講嘢大聲咋！我有禮貌㗎！X你老母！」店員似乎未受到他的威嚇，最終該男子只好轉身離開。