東歐千年古堡 被簡體字塗鴉 求訂抖音｜大阪華人助微信女唱千萬日圓 遭2秘漢電擊搶錢｜北韓恐怖噪音彈 夜轟邊境半年 虐待南韓人失眠｜#C聞播客 2024年11月25日(2)

傳三上悠亞接班人來港賣淫 人氣AV女優被捕｜鍾雪瑩金馬封后 揭多謝吳君如真相 評審欲推翻投票｜港記者短片奪金馬獎：走進黑暗 才見真光｜#C聞播客 2024年11月25日(1)
https://youtu.be/wBDVIjoWrx0

東歐千年古堡 被簡體字塗鴉 求訂抖音｜大阪華人助微信女唱千萬日圓 遭2秘漢電擊搶錢｜北韓恐怖噪音彈 夜轟邊境半年 虐待南韓人失眠｜#C聞播客 2024年11月25日(2)
https://youtu.be/LuLUqnigj3U

聲音導航：李鈺廷

C聞播客 聲音導航
讓你耳聽八方 唔使眼乾
即時新聞 焦點擔當

連接英國希斯路機場、倫敦市中心同東西兩邊郊區的倫敦地鐵伊沙利伯線，自通車以來，都係由港鐵子公司營運。但由明年5月開始，港鐵就保唔住呢個專營權，會被東京地鐵合組的財團搶走。

港鐵於2014年，取得倫敦地鐵伊利沙伯線專營權。2015年起，呢條線逐步通車，至2022年全線通車；目前有41個車站、全長128公里，貫通倫敦市中心和東西兩邊郊區，以至希斯路機場，每日約70萬人次乘搭。港鐵中期報告透露，呢條線單在上半年，就為港鐵帶來15億元收入。

但英國《衛報》報道，由港鐵子公司營運的伊利沙伯線，過去1年的服務唔可靠。例如在4至6月，就有約17%列車班次遲到，可靠度係全國鐵路營運商入面排第10。

倫敦交通局11月20日公佈，港鐵冇得延續呢條線的專營權，改由東京地鐵、日本企業住友商事及英國運輸集團Go Ahead合組的財團投得，明年5月開始生效，為期至少7年。

新的營運商，大股東係英國運輸集團Go Ahead，佔65%股權；日本的住友商事和東京地鐵，就各佔約18%股份，但已經成為東京地鐵首次涉足的海外營運。倫敦交通局表示，新營運商可結合到東京與倫敦交通最好的元素。東京地鐵就承諾，佢地的加入，可以將日本的可靠和準時服務，推廣出去，會繼續發展海外業務。另一股東、住友商事亦形容，咁樣可以向世人，展現日本企業高質素的運輸基建。

港鐵失去倫敦地鐵伊利沙伯線專營權後，連同早前放棄瑞典斯德哥爾摩鐵路的專營權，目前的海外業務，只係餘下英國西南部鐵路，以及澳洲墨爾本同悉尼的地鐵項目。其中港鐵在英國西南部鐵路項目，只佔30%股權，大股東是英國主要運輸商第一集團。呢個集團在1998年進軍過香港，就係跟新世界合資成立新巴，投得中巴在港島原有路線的專營權。

在東歐塞爾維亞，有古堡的鐘塔日前遭到不明人士，以簡體中文字塗鴉牆身，寫上「關注抖音：不知名人物」等字句。個塗鴉似乎想寫革命的英文revolution，但將其中2個字母串錯咗。至於塗鴉上去的抖音帳號，就已被封鎖。

有中國網民即刻偵探上身，質疑呢單野不一定中國人搞出來，可能有人插贓嫁禍，特登拎來抹黑中國人。不過中國駐塞爾維亞大使館就出po，提醒中國公民，要文明出行；強調中國公民在境外，不僅代表自己，更關係到國家形象，應遵守當地法律，恪守公德，尊重當地文化習俗，切勿破壞文物古蹟。

今次被人以簡體中文字塗鴉的古堡，於1979年被列為具有特殊重要的文化紀念碑，受到國家級保護，是塞爾維亞首批正式宣佈的文化古蹟之一。該古堡在當地亦十分受歡迎，每年有超過200萬遊客遊覽。

北歐波羅的海兩條海底電纜，日前受破壞。瑞典警方表示正調查事件，並證實一艘中國貨輪牽涉其中。丹麥國防部亦表示，有派軍跟隨涉事商船。該船隻之後在丹麥與瑞典之間的海面滯留。中國外交部發言人林劍回應稱，不了解有關情況，但指中方高度重視，保護海底基建安全。

一名移居日本大阪的30多歲中國男子，可能身在曹營心在漢，喺當地經微信，識咗個29歲中國女子。當聽到個微信女話有50萬元人仔喺手，想佢幫手唱做YEN，佢都不虞有詐lur飯應，20日晚就用背囊裝住大拿拿1,200萬YEN（即係60萬港紙）的現金去公園，諗住同個女人唱錢啦，點知就被2個男人伏擊，用電槍差啲電暈。

而那個微信女就被指都有份，襲擊個男人條頸。4個人糾纏個陣，有300萬YEN掉落地下，而背囊入面的900萬YEN，就俾2個男人成功搶走，逃去無蹤。個微信女本身都想走，但被事主捉住，但佢就矢口否認識得另外2個搶錢佬。

《法新社》報道，接壤北韓邊境的南韓西北部居民，由7月開始，每晚都被迫聽住由北韓炮製的恐怖噪音彈，包括各種令人毛骨悚然的音效，例如係槍聲、炸彈爆炸聲、戰場上垂死的尖叫聲，甚至係詭異笑聲。唔止係居民，就連去採訪的記者，都親耳聽到，仲在深夜度到啲噪音，有成80分貝咁響。

北韓以往都試過對住南韓邊境，開大個喇叭做政治宣傳。個陣廣播的野，通常係批評南韓領導人，或美化北韓當局。有南韓議員話，北韓的最新招數，唔止係宣傳平壤政權咁簡單，真正目的是要折磨人。

有歷史學家指，幾乎每個政權都會利用噪音，虐待敵對的人，剝奪佢地的睡眠。咁做係好常見，因為不會留下實質傷疤，做完仲可以矢口否認。有專家指，夜晚在高過60分貝的噪音環境度逗留，會增加睡眠障礙風險。而當地記者在深夜度到的噪音，就有成80分貝咁響。

報道指，有居民因「噪音彈」要一直吃頭痛藥。這些噪音又導致佢地長期睡眠不足，引發焦慮同眼痛。有居民仲向記者無奈哭訴，佢地根本唔知道呢啲噪音會幾時先完，可能要等到落呢個order的北韓人死掉，先可以解脫到。

而北韓呢招，可能係報復返南韓對佢地的還擊。北韓之前在啲氣球度，裝啲污糟嘢，然後多次將啲氣球，飄過去南韓。《韓聯社》報道過，南韓為咗還拖，由7.21起在多個戰線，開大個喇叭廣播，叫北韓邊境軍隊「盡早逃離如地獄般的奴隸生活」，向佢地打心理戰。呢啲廣播，最遠可以傳到30公里外。

6. 

台灣棒球隊24日在日本東京巨蛋，上演奇蹟一戰，以4：0完勝日本隊，唔止令日本呢個世界第一勁旅，在國際賽攞唔到第28連勝啦，亦令台灣在棒壇世界12強大賽，首次攞到冠軍殊榮，被形容為「史上最驚奇的爆冷」。

儘管兩隊在比賽中，拼得你死我活。但在賽後，日本隊同台灣隊惺惺相惜，盡現高尚體育精神。兵敗的日本隊，雖難掩落寞，但領完獎後留在場邊，向贏咗佢地的台灣隊，鞠躬致敬。

身為東道主的日方，本來準備咗勝利香檳，畀勝出的台灣隊開來潑灑慶祝。但台灣隊都婉拒呢個儀式。佢地總教練解釋，因為呢度係日本職棒的場地，台灣隊希望把這份喜悅，帶回台灣先至慶祝。

好多日本球迷都在新聞度留言，話台灣隊唔止透徹研究日本隊的投打策略，也展現良好運動家精神，睇到台灣很尊敬日本，而佢們也非常尊敬台灣。