嘮動新聞

普通話妹荃灣被摑21巴 疑內幕曝光!內地上網挑機打鬥 回港被女童黨天台輪打:你仲夠膽返嚟喎

出版: -
0
普通話妹荃灣被摑21巴 疑內幕曝光!內地上網挑機打鬥 回港被女童黨天台輪打:你仲夠膽返嚟喎
巴巴有力,摑面有聲。近日網上瘋傳2段片,可見一名少女於大廈天台,被多名女童在短短1.5分鐘內,輪流掌摑21巴。本台從率眾欺凌、最先揮掌的15歲香港女童之朋友取得足本片段。該名告密者向本台透露,被掌摑的女童是常居內地的11歲雙非人,回港後被帶到荃灣三坡坊附近的大廈天台瘋狂掌摑和嘲笑「你仲夠膽返香港喎」。究竟雙方有何恩怨?
率領一眾姊妹對11歲普通話女動手、最先揮掌的15歲香港女童姓鍾,在片中除多次掌摑對方外,更以流利粵語和普通話夾雜粗口,辱罵對方。11歲事主先被指令下跪「認錯」,再除下口罩拍攝臉容,繼而遭眾人連環掌摑、喝罵和取笑妝容脫落。欺凌者起初對事主七嘴八舌:「我知你好唔啹呀而家」、「你待大陸多久呢?你一時喺英國,一時喺美國,一時喺深圳喎而家」。

告密者不滿 人多欺人少

女主腦其後叫其黨羽「一人一巴」打事主,又多次叫事主先打她,但因事主擰頭拒絕,主腦才率先動手,其間喝罵事主「係咪寸呀?打我吖嘛!鍾意鬧我吖嘛!」。主腦的朋友相繼加入,並喝質問主:「你發我照片嗎?你唔係話我好撚煩咩?我點煩你呀而家?半個香港憎晒你呀,你咩事呀你?做咩朋友圈咁寸啫?真係仲夠膽返香港個喎?」
由於案發天台是荃灣三坡坊附近舊樓,相當接近民居,故片中曾多次傳來一把男聲,提醒主腦行私刑時「快撚啲啦,附近有人呀」,以及叮囑主腦喝罵對方時「細聲啲」。不過主腦萬萬想不到,她的朋友因看不過眼如此「人多欺人少」,趁眾人上載片段至網上聊天群組時,將片段暗地儲存,再轉寄至本台告密。由於事主早前身處內地時,在網上「寸嘴」挑機打鬥,故回港後被眾人「教訓」。

「我覺得咁樣好可恥」

「嗰個11歲靚妹,係就係抵打嘅。但我個朋友叫埋佢啲姊妹出嚟幫佢打,成班人夾埋欺負一個小妹妹,人多欺人少,我覺得咁樣好可恥。因為佢哋send條片去chatroom,我就keep低咗,send畀你地Channel C。」告密者指,主腦自稱荃灣和勝和人,更稱有一位「阿哥」直屬新義安尖東霸王「細B」的門生「波波承」,又在網上吹噓自己入過警署很有型,但疑似「響流朵」。
最令告密者吃不消,是主腦經常以「大家姐」身份自居、裝腔作勢,肆意欺凌別人。「人哋講佢兩句是非,佢就要同人哋出嚟對質,跟住迫人地道歉,仲要拍埋片。對方唔道歉嘅話,佢就叫成班姊妹同佢一齊打人哋。」

另傳事主僅12歲

本台曾向警察公共關係科查詢案件詳情,PPRB在本台截稿前表示,荃灣警署未有接獲相關舉報。其後多間傳媒引述消息,指年僅12歲的事主2022年6月11日在上址被5名女童掌摑後,翌日因父親發現其不開心,同日傍晚到元朗警署報案。
Channel C App 強勢推出 
立即下載全新手機App
IOS: http://bit.ly/3Lv3Lfp
Android: http://bit.ly/3LyZuYa

新聞有價 記者有格 $128成長計劃
立即訂閱:https://channelchk.com/plan
撐Channel C請記者
一齊為民請命 抱打不平

😎Channel C 廣告推廣和媒體合作​!🤝
誠邀各商戶傾談廣告宣傳和合作推廣;
有意請電郵至:[email protected]

🔥「爆片爆相」返嚟喇!🔥 
一經獨家採用將會獲得由
齊柏林熱狗店送出$50禮券乙張! 
報料:https://wa.me/85264691456
爆片爆相