更正：經查證後事主原來係叔叔，唔係姨姨🙏特此更正！
大前晚（3月8日）觀塘順天邨天瑤樓圍封強檢，至翌日早上9時45分，有位50多60歲的叔叔竟然由1樓平台跳下來想離開強檢範圍，究竟甚麼事急到連命都可以不要呢？Channel C收到目擊者劉生報料指，原來姨姨是很心急想去探在醫院陷入危險期、患癌症的家姐！
劉生指，「當時我已經見到傷者跌咗喺平台下面，有警員問傷者點解要咁趕住出街，傷者就話因為佢家姐喺醫院危險期當中，一時心急就喺平台跳咗出去。」劉生話一樓平台離地下約3至4米高，幸好看傷者無大礙，沒有破血流，仍然清醒，但未能企起身，行動不了。
醫護立即叫救護車，將叔叔送院治理，但因為圍封期間，當時未出檢測結果，劉生話叔叔的家人都未被批准同行，「佢嘅家屬落咗嚟睇，但係就話仲係圍封中未出結果，唔畀家屬跟車去醫院，淨係傷者自己去醫院。」劉生指聽到警方同傷者對話，指會考慮檢控違反599，但實際有否檢控就不清楚。
劉生指看見這種情況覺得很心酸和無奈，「真是迫得很慘！如果有一個咁緊急嘅情況，衞生署或者看守嘅警務人員係咪應該通融下？或者睇下點樣處理？而唔係就咁話點都唔畀出去，你知老人家一心急起嚟就做一啲我哋都諗唔到嘅行為。」劉生後生從街坊群組得知，叔叔的家姐幸好脫離危險期，而叔叔則仍在醫院休養。
