平昌韓燒特約｜打人定打籃球？　兩個業餘球員比賽中批踭、揮拳　裁判拒趕離場惹公憤　Gordon Yau：建議要報警

本周籃球界瘋傳一段影片，拍攝到兩位業餘籃球員在一場比賽中，分別向對手兩位隊員「批踭」和「揮拳」，導致他們倒地受傷。片中所見，球證未有即時判施襲者離場，並決定球賽在本周日（29日）再續，做法惹起爭議。

【新聞有價 記者有格 立即訂閱：https://bit.ly/3wGQh7c】

事發於星期日（22日）在曉光街體育館，Swingman主辦一場四強籃球賽，白衫隊PEACE的「00號」和「0號」，先後打倒紅衫隊地獄零尊的「10號」和「11號」，導致他們倒地受傷。事隔兩日（24日），被打的「11號」王生找本台申訴，不滿大會即場及事後都冷處理。王生指首先是PEACE「00號」用手肘從後打地獄零尊「10號」，當時球證回應說，「如果趕佢出場，就會導致對方情緒波動，會有更多打人事件出現。」

結果球賽繼續，相隔分半鐘，就再發生PEACE「0號」一拳打向王生。王生指自己即時倒地，「當時我嘅隊友同球證講，點解唔係趕離場？球證都只係判佢一次U-foul，籃球術語係違反體育精神的犯規，而唔係一個惡意嘅傷人犯規。」然後球賽又再繼續，至比賽時間剩餘44秒，由於場地要關閉，當時大會決定該44秒，留待本周日10月29日再繼續。王生指當日球隊有即時再抗議，認為PEACE的「00號」和「0號」不應該在周日再度出賽，惟未得到大會適時回應。

籃球專欄作家、香港健身Guide主席邱益忠指，片中的碰撞在80年代會較常見，明顯是蓄意傷人，「有啲聰明嘅人會帶波撞人嗰陣順勢批一下，可能連球證都未必睇得清楚，但今次喺雙方都無攞波嘅情況下，咁樣打就太明顯。」邱認為一般業餘籃球聯賽沒有VAR，不排除當時球證「睇漏眼」，但若果球證看得清楚，9成都要判該球員離場，甚至應該要報警。王生指「10號」隊友在賽後看完醫生都有去報警，「警方話依啲事最好搵返大會解決，我隊友就話大會唔處理，依家約咗星期六（28日）落口供。」而王生自己亦有報案的打算。

昨日（25日）早上11時，主辦方Swingman終於在社交平台發聲明回應：

就大會的聲明，王生再接受本台訪問回應，「前日（24日）大會打過嚟都覺得我哋係想搞大件事，但其實我哋只係想要返公平啲嘅處理囉！」他認為聲明的處分不足夠，「取消44秒場比賽資格唔足夠，佢哋仲會打季軍戰，我擔心依兩個人可以繼續喺另一場比賽落場，會唔會有同樣嘅情況出現呢？」本台有向大會查詢，不過截稿前未有回覆。

＝＝＝＝＝＝＝＝＝＝＝＝＝＝

平昌韓燒
由韓國人主理，與你共度歡樂今「燒」🔥

樂富店
電話：3904 1183
地址：樂富聯合道198號樂富廣場A區3樓3104號舖

旺角店
電話：2612 1682
地址：旺角西洋菜街1號兆萬中心13樓

歡迎使用Bistro Chat/Facebook及Instagram Message進行網上預約，或致電進行電話預約
Facebook：https://www.facebook.com/pyeongchangmk/?locale=zh_HK
Instagram：https://www.instagram.com/pyeongchangkoreanbbq/