近日網上有影片流傳，拍攝到一名外賣男車手與2男1女軍裝警員，因違泊問題在新蒲崗景福街爭執，車手情緒激動，用帶有鄉音的廣東話表示沒有錢交罰單，言語間透露自己有2名分別讀中一和二年班的子女，「唔申請政府補貼」；又自稱」、「日日服務香港，良好市民一個」。他說若被控，將「上最高嗰度跳落嚟」，「今晚如果死咗上新聞，就係你（警員）」其後，警方增援到場處理，影片至此結束。
期間，有一名男途人在旁拍攝紀錄過程，他先被女警要求「唔好影」，「盡量唔好影啦好冇」，於是反問「點解唔可以影呢，呢度公眾地方嚟㗎嘛」其後到場的警員又著他「唔好拍」，男途人不解問「你哋警察做嘢唔公開得嘅咩」，對方只說會處理。及後有一名戴眼鏡的男警就要求同事開攝影機，指要「錄返」男途人。
【新聞有價 記者有格 立即訂閱：https://bit.ly/3wGQh7c】
影片長約6分鐘50秒，該名車手先拿出大量藏在電單車車尾箱內的罰單，指自己沒有錢繳交罰款，並以粗口罵戴眼鏡的男警，指「你啲仆X成日欺壓良好嘅市民」，另一名男警則好言相告指「我哋都係做嘢啫」車手則繼續說「你話你拉我，一定拉我今日呀」，「我真係唔想做，我做都唔想做喇」，似乎生活壓力非輕。
他一度指住戴眼鏡的男警，對方叫他不要指時，他即激動說「我指你老母X呀，我驚你呀」，「抆你支槍打死你都有呀」；揚言有意尋死時又說「都係你啲阿Sir迫我呀」。車手之後續稱「你拉咗我， 我今日又白做喇，啱啱第一單，第一單呀」，並指「你打死我，你拉我，點打都得」以及「香港阿Sir欺負良好市民」。
態度較友善的男警就向車手表示「冇人拉你」，又指「傾下偈啫」。據指，車手最後獲放行。
