EomBuy特約爆片爆相｜昨晚（25日）凌晨2點16分，讀者J小姐影到喺啟德體育園區有人放煙花，立即衝去窗邊影！
J小姐話近年都喺同一位置放煙花，「但今年呢過年嘅時候無放，因為我發覺過年嘅時候泊晒啲警車喺度。噚晚我瞓咗落床㗎喇，突然間砰砰聲，知佢放煙花即刻出嚟影啦！」J小姐話絕對唔係想投訴，係覺得放煙花幾得意，睇到都開心，想分享畀大家一齊睇。
循例提一提：根據香港法律第295章《危險品條例》第六條，任何人如非法藏有或燃放煙花炮仗，一經定罪，最高可被罰款25000元及監禁六個月。
唔知放煙花嘅人係咪想喺疫情之中增添歡樂氣氛，為香港人打打氣呢？大家都要加油呀！
