體形龐大的盾臂龜「大隻仔」，今年十歲，體重高達三十磅，非常驚人。2016年大隻仔被人遺棄在垃圾房，Zoe發現牠時，大隻仔的龜殼有嚴重傷痕，經獸醫檢查後，證實牠頸椎移位及脊骨受損，導致眼睛也受到感染。
Zoe表示，後遺症是大隻仔至今仍然會流眼水；後腳更是高低不平，致使牠走起路時步履蹣跚，她說：「大隻仔唔可以太肥，否則四肢就會支撐不到身體，所以我盡量每日都帶牠到公園散步及曬太陽，一方面控制體重，又可以吸收維他命 D。」
Zoe視大隻仔如命根，稱自己為「大隻媽 」，母子生活樂趣多，例如每當Zoe準備換衫，大隻仔便知道有街去，「我會帶埋大隻仔行街市，去到街市牠就開心咯，好似去咗食buffet 。」大隻仔出巡行街市必有斬獲，拍攝當日所見，不少檔主會主動向牠餵食，行過水果檔便有香蕉；路經菜檔又街坊請牠食芽菜及蕃茄仔，每次都大飽口福，滿載而歸。
Zoe對大隻仔每日的膳食非常講究，「牠每日要食一至兩斤菜，水果我會揀蘋果及香蕉，讓牠吸收足夠纖維。」行完街市，Zoe 又抱住帶大隻仔逛超級市場，享受親子時光，每次出巡都會吸引街坊爭相合照，這隻明星龜，深受逸東邨街坊歡迎。
除了出巡曬日光浴，廿四孝阿媽 Zoe 每日都會放水給大隻仔在浴盆浸浴，「每日浸一小時，一定要浸溫水。」做龜好過做人，Zoe 坦言在有生之年都會給大隻仔最好的生活。只是這兩年爆發疫情，Zoe 為免受染亦減少外出，「就算出街我都會抱住，唔會再畀佢周地爬。面對第五波疫情，Zoe 坦言擔心中招，「如果中咗要隔離，大隻仔就無人照顧，所以我要好好睇住自己。」
Zoe有感大隻仔討人歡喜，試過揹著牠去賣旗，讓牠參與公益活動，造福社會。Zoe 更為大隻仔在Facebook 開設《大隻仔生活點滴》專頁，每日上載龜仔的日常生活，從而宣愛護動物信息。
Zoe目前與就讀中學的女兒及大隻仔，兩人一龜同住於逸東邨公屋單位，「我們三個瞓埋同一張大床，有時大隻仔呷醋，會曳曳咬我個女頭髮；見到我抱其他龜仔，又會扒過來撥開牠們，十足十小朋友。」
人龜情未了，Zoe擔心自己百年歸老後，未能繼續照顧大隻仔，「我已經同女兒溝通好，他日我唔喺度，大隻仔就由你來代我照顧。」
