最近Channel C收到八月堂大埔分店的前員工投訴，指八月堂加盟商浩博飲食有限公司自上年8月開始出現拖糧情況，今年1月份的薪金更拖了約一個月。
八月堂大埔分店前兼職員工C先生指，自上年8月起，加盟商浩博都不能準時於每月7日或之前出糧，該公司的寫字樓職員更疑因不滿遲出糧而全部離職，導致分店經理要人手為店內同事計算薪金。C先生指當時他們每次上班都要問分店經理，「上一個月糧幾時出？」直至今年3月，仍未獲發1月份的薪金，該分店全部員工於是在3月3日決定引用勞工法例，全部一齊離職，自此八月堂大埔分店便關門至今。
C先生指他們決定離職當日，公司立即發放1月份的薪金，而2月份的工資則要向勞工處尋求協助，追討直至3月22日終於成功收取所有薪金。然而，由於浩博連續7個月都出現拖糧情況，還需要賠償欠薪利息和代通知金。C先生指公司曾跟勞資關係科表示不願意作出賠償，指前大埔分店員工突然全部離職，使其來不及反應，少未能出糧。但C先生反駁指，該分店在12月、1月及新年時生意都很不錯，部份日子更可以達標，獲得銷售獎金，不明為何未能出糧反而怪罵他們。
事情發展至3月28日，勞工處關係官再收到浩博回覆，指願意賠償一半代通知金和欠薪利息，但全部前員工都不贊同，堅持要繼續告上小額錢債處。再過一星期至4月7日，浩博才答應在4月尾作出全數賠償，但至今已經5月，一班前員工仍未收到。C先生指公司曾向他們解，是因為未收回其他債務，所以未知何時才能作出賠償，但引發C先生向Channel C報料的原因是，「我哋發現前幾日開始，八月堂嘅FB PAGE同某啲請人嘅地方，出現咗一啲招聘廣告，招聘返我哋原本走晒啲人嘅空缺位。如果佢話出唔到糧嘅情況之下，但係佢走去請過一批新嘅員工嘅時候，我就覺得有啲搞笑囉！」C先生指此事八月堂總公司都知道，「我哋send辭職嗰個短訊係send去總公司個group添，佢哋無回應，嗰個經理就當下將我哋全部踢出whatsapp group囉！」
根據香港《僱傭條例》規定，拖欠工資屬刑事罪行，如果僱主故意或無合理理由遲出糧，即屬違法，一經定罪最高可被罰款35萬和監禁三年，僱主亦須就欠薪支付利息。Channel C就事件首先向八月堂加盟商浩博飲食有限公司查詢，其會計陳生回覆指非故意拖糧，但周轉實在有困難。陳生首先歸咎經濟環境差，所以老闆才延遲出糧，又指前員工離職沒有「通知晒我哋」，突然全部離職拖累其店舖無人營運，要關閉一個月，「我想問我輸嗰啲，唔通入佢哋數咩？老闆從來無怪過佢哋，同勞工處又咁講，我老闆都出返2月份同3月份嘅糧畀佢哋，不過淨代通知金同利息。」
陳生指正常情況下，公司應該在月尾能夠收回其他公司的錢，便可以作出賠償，但其他公司都「未找數」，他亦正在追。陳生坦言大埔分店的薪金開支每月合共約8萬至10萬港元，早前已發放所有薪金，現在只欠欠薪利息和代通知金，「如果我係唔找數，8至10萬蚊我就唔找啦！依家佢哋加埋得一個長工萬令蚊，其他人講緊係3千至5千，我找咗10萬、20萬，我兩萬令三萬蚊我唔找畀你哋？我唔係咁嘅意思囉！」陳生指會盡力希望在下星期作出賠償。至於在仍拖欠賠償的情況下，就出po請人，陳生指之後會改制度，新請的兼職改為現金出糧，免除員工擔心。
而八月堂總公司聯豐達飲食管理有限公司回覆Channel C指，一般不會介入加盟商和僱員的勞資關係，但拖欠薪金違反品牌授權合約，所以總公司即時介入和暫停該分店運作。直至4月知道加盟商就勞資關係達成共識，才批准分店繼續營運和協助招聘，如果查證大埔加盟店仍有欠薪，總公司會再介入處理。
