位於大角咀的良心小店「詩嘉小廚」於今年4月開業，更以「良心價」32元賣兩餸飯益街坊！老闆阿榮接受《Channel C》訪問，指自己原本從事玻璃幕牆工程，惟因疫情關係令工作量大跌，故改變航道拿起鑊鏟，每日更新鮮製造超過20款菜供食客選擇。航道變更，人心不變，阿榮仍不忘回饋街坊。由於大角咀有較多長者居住，阿榮會依照長者需要設計餐單，「整多啲豆腐，畀佢哋易入口啲，唔會整太多香口嘢」。入夜後，阿榮亦會派飯予區內露宿者，以飯送暖，「一個飯對佢哋嚟講係一個好大嘅關懷，做到嘅就盡量做」。
【新聞有價 記者有格 立即訂閱：https://bit.ly/3wGQh7c】
阿榮指，大角咀的街坊多為長者，希望減輕他們的經濟負擔，故雙餸飯亦只售32元，單買一餸更只售25元，「點解佢哋會嚟我哋舖頭食呢？有時可能屋企煮唔到，或者係獨居，我哋都想畀到一個住家嘅感覺佢哋」。
他續指，不少街坊向他們反映「食後感」，店舖亦會不斷改良口味，「有個婆婆同我講，你哋個麻婆豆腐同辣子雞好辣，我就即刻同師傅講要調低辣度，希望就到啲公公婆婆」。
入夜後，阿榮則會化身「派飯使者」，一人提著多個飯盒為區內露宿者送暖，「因為有一日喺我哋舖頭附近，見到有個伯伯喺垃圾桶執一個人哋食過嘅飯盒出嚟食，嗰刻真係有少少心痛」。一刻閃念，推動他開始派飯，並會與街友們說說笑笑，「有時佢哋唔想人見到，淨係伸隻手出嚟，話畀我哋聽想食飯，我哋都會尊重佢哋，擺低個飯盒就走......一個飯對於佢哋嚟講，我諗都已經係一個好大嘅關懷」。
詩嘉小廚
地址：大角咀鐵樹街4號富多來新邨第一期地下16號舖
