今日（9日）網傳一段影片，一名私家車司機因「抄牌」問題，在青山公路與交通警有爭執。影片中，該名交通警向私家車男司機解釋指，在早上7時30分至9時，屯門公路左一線為巴士專線，其他種類的車輛不能使用；男司機則解釋因屯門公路有交通意外，他為避塞車故駛入巴士專線；認為自己有合理解釋下駛入該線。
交通警就表示，其理由並不合理，告訴他收到罰單後可以上訴。男司機最後被「抄牌」，他疑心有不甘下將影片上傳網上，本想「公審」交通警，惟反被網民幾乎一面倒批評，故在約30分鐘後關閉留言功能，其後更刪去影片，可是影片已被轉載流傳。
【新聞有價 記者有格 立即訂閱：https://bit.ly/3wGQh7c】
該名男司機在交通警解釋後，反問「知唔知道屯門公路前方而家係交通擠塞」，交通警回應指「我哋呢度係新界北的，前面過咗呢一段係新界南」，表示有不同執法區域，惟男司機大聲指交通警「即係你無知係咪呀」。
男司機又指，「而家已經見到前面已經有交通警去緊，亦都有隱形戰車去緊啦，網上資訊亦都係大把啦，即係香港警察、交通警察的資訊都不比我一個普通市民、司機出之前嘅confirm清楚？」交通警就再次說明有分執法區域，但男司機就再以譏諷口吻說「即係你唔需要關心香港其他所有嘅道路安全嘅事，係咪啊？」。
被抄牌後，男司機又「揦返拃沙」，叫交通警「唔好收檔喎，繼續抄抄到9點喎」。其同行女子就認為沒有指示牌等指引司機，交通警只懂「抄牌」，男司機聞言就表示「所以香港咪就係一個咁美麗嘅城市囉」。
網民看到影片後，均指男司機「無恥」、「onX」，「守法意識薄弱」及「好X癲」等，批評他「錯咗仲要拍片擺上網」。
