今日（8日）母親節，商戶都想盡辦法吸引客戶為母親消費，例如Pizza Hut推出了「超級至尊媽子批」，Pizza焗成心形，非常特別。然而，未知是否太吸引，太多人購買的關係，令系統不勝負荷。
Channel C在中午12時許收到投訴指，Pizza Hut的外賣系統故障，導致有客人已付款，卻下不了單。Pizza Hut的Facebook有大量指罵留言，「你個嘢死咗呀」、「扣咗錢但出ERROR PAGE」、「錢又畀咗 訂單消失 電話打唔通」、「母親節媽媽很不開心」。
向Channel C投訴的L先生就為了「孝敬媽子」，想透過網上系統訂心形批，豈料訂了數次，仍顯示有錯誤，他說：「我諗吓會唔會係某一間舖頭有問題，所以試過訂美孚，亦都試過訂荔枝角嗰間，都係出同樣嘅error。」幸好L先生選擇外賣自取，是到分店才付款，未有被網上過數。而為了慶祝母親節，L先生最後親身到分店下單，他指分店職員都知道公司網上系統出問題，「佢哋話大約12點05分嗰堆單應該收唔到。」L先生讚分店職員很樂於幫助客人，「例如有啲人真係畀Apple Pay過咗數，職員就同佢講因為收唔到張單，依家收多一次錢先，網上畀嗰張單應該會退返錢去Apple Pay。」Channel C都有就事件向Pizza Hut查詢，不過截稿前都未有回覆。
L先生再補充指，其實Pizza Hut的外賣系統一向都不方便用戶，很多時都要多次下單才成功。他認為正常系統應該知道哪間分店有哪些食物已售罄，「例如某隻意粉或某款小食無貨，就唔應該顯出嚟畀客戶揀，但係系統照出，到最尾先話無意粉，然後clear晒所有選項，要從頭再揀過，如是者第二次入完，又話小食error，即又無貨，又要再落過單，所以原本一個4分鐘嘅流程，變咗要做3次！」或者你作為讀者會認為別光顧就好了，但L先生指無可否認Pizza Hut多分店很方便，不過下次都會積極不選擇。
