今集《玄機解樓》嚟到青衣翠怡花園，一對90後新婚夫婦黃生黃太啱啱置業，趁裝修緊搵碧霞老師睇睇新屋風水擺位，黃太話，「啱啱買嘅，想睇財運同健康，想升職加薪。」
未睇風水前，睇樓價表現都幾好，黃生黃太以569萬買入2房1廳嘅單位，實用面積368呎，上手業主持貨7年賬面賺咗超過240萬，升幅超過七成。投資嚟講，大型屋苑相對穩陣，翠怡花園一共有11座，超過3千個單位，設有會所，附近都有商場。
自住方面，就要碧霞老師出馬！碧霞老師會搵出單位永遠嘅財位、教大家佈局催財，兼提醒各位買樓前要留意景觀，一齊睇片啦！
如果想碧霞老師幫你解決煩惱，歡迎send電郵 [email protected] 嚟寫底訴求，等碧霞老師免費上門為你《玄機解樓》！
