上月初發生過信用卡集體被盜用事件，全城鬧爆，質疑銀行的保安系統是否出現漏洞。近日，本台又收到投訴指，一覺睡醒竟發現銀行戶口消失了近40萬，哭訴求助無門！
【新聞有價 記者有格 立即訂閱：https://bit.ly/3wGQh7c】
匯豐客戶C先生向本台投訴指，在1月9日早上七時半，一起床便發現戶口消失了超過39萬港元，隨即致電匯豐和報警都未能阻截，哭訴：「嗰筆錢係我儲畀太太，係我同佢嘅聯名戶口，我每個月過數畀佢，畀佢嘅承諾就咁消失咗…我一直相信匯豐會要求我輸入保安編碼，我先會覺得安全，我先用咗匯豐咁多年！」
匯豐客戶C先生向本台投訴指，在1月9日早上七時半，一起床便發現戶口消失了超過39萬港元，隨即致電匯豐和報警都未能阻截，哭訴：「嗰筆錢係我儲畀太太，係我同佢嘅聯名戶口，我每個月過數畀佢，畀佢嘅承諾就咁消失咗…我一直相信匯豐會要求我輸入保安編碼，我先會覺得安全，我先用咗匯豐咁多年！」
C先生指他收到由匯豐發出的3封電郵和3個短訊，內容指啟動了環球轉帳服務、設置了最高金額為5萬美元，並且從他的戶口轉帳了$390,103。C先生即時致電匯豐的客戶服務部，職員指的確有該項交易紀錄，C先生問：「點解唔使保安編碼都可以過數？佢話只要係做Global Transfer to HSBC，轉錢去全球嘅HSBC係唔需要保安編碼，原因就係話為咗方便用戶。」C先生再追問職員該款項轉帳到哪裡，職員回答是轉帳到阿聯酋一個地方的第三方戶口，又指錢已經離開香港匯豐，只能建議C先生即時報警，銀行要待警方聯絡時才會跟進。C先生於是報警，「調返轉警方同我講根據以前嘅經驗，盜用戶口嘅案件，警方同匯豐聯絡，匯豐都唔會畀任何資料佢哋，唔明點解要等到警方聯絡銀行先採取行動。」C先生質疑若職員及時追蹤，能否中止交易，增加追回39萬的機會。
滙豐發言人回覆本台查詢：
- 我們未能評論個別個案
- 本行一直致力加強滙豐網上及流動理財服務的保安，確保客戶能夠穩妥及安全地進行交易。客戶必須透過提供個人用戶名稱及保安編碼/密碼/生物認證等方式先登入流動理財或網上理財，方可使用滙豐環球轉賬服務
- 為進一步保障客戶，客戶透過滙豐環球轉賬服務向第三方轉賬前，需要將第三方戶口新增為新受款人。在新增受款人前，客戶需要使用生物認證方法或輸入流動保安編碼。完成增加受款人及轉賬後，本行會向客戶發出電話短訊及電郵通知
- 本行一直透過不同渠道提醒客戶，切勿與他人分享您的個人保安資料（密碼或保安編碼），如收到陌生人或並不信任者的電郵、短訊或社交媒體內容而內有附件或嵌入連結，切勿開啟或點擊，以及提供任何個人保安資料或訊息
- 相關資料可參考以下網頁：https://www.hsbc.com.hk/zh-hk/help/cybersecurity-and-fraud/
本台就事件訪問過香港資訊科技商會榮譽會長方保僑，他指銀行的保安系統其實已經很嚴謹，在戶口轉帳方面需要有雙重驗證，例如One Time Password（一次性密碼）或登入銀行應用程式的密碼。他認為事件疑似是被黑客入侵，或事主曾經進入過釣魚網站，導致戶口被黑客奪取而為所欲為。
不少人會質疑為何做交易時會收不到OTP或短訊，方保僑解釋不排除是黑客連短訊都截收了，甚或已經刪除掉，「我哋收過唔少個案話收唔到短訊，但喺後台查詢嘅時候，就發現半夜其實有收過短訊，但全部都delete晒，結果一覺瞓醒就乜都唔知。」他又指盜用戶口或信用卡等騙案，經常在凌晨時份發生，趁受害人睡覺時不為意收到短訊，而睡醒後已相隔數小時，要阻截亦已太遲，「信用卡可能都有黃金機會追得返，但轉錢就追唔到，因為轉完錢多數即刻移走，追返機會唔高。」此外，銀行基於免責條款亦未必會向客戶作出賠償，「假設有一位事主唔小心入咗釣魚網站，將密碼、一次性密碼等畀咗黑客，咁等於事主直接畀對方，喺銀行角度係唔會知道究竟客戶畀咗釣魚網站定係朋友，所以手機被黑客入侵，亦係客戶自己疏忽保管手機。」但當然個別事件都有不同處理方案，不能一概而論。
方保僑提醒市民兩件事，一、別按進不知名的連結，二、別在不知名連結中輸入個人保安資料。他一再強調，「建議一概唔知道嘅Link都唔好撳！其實睇得出，唔係話一撳Link就中招。」他舉例最近有市民反映不時收到某投資公司發送的短訊，寫「有事通知你，請聯繫我嘅WhatsApp」，該短訊附有一條連結，方保僑指自己曾按過該連結，「彈咗去一個WhatsApp假女人嘅acc，佢會再指示你入其他群組做一啲投資，咁就唔好喺呢啲地方畀個人資料，又例如話戶口有問題，要你確認一次密碼，就唔好撳嗰啲Link，如果你入咗，對方就可能喺真嘅網站同步輸入你提供嘅資料，咪入咗你戶口。」方保僑提醒市民要時刻保持警覺，「寧願乜Link都唔撳，好過你乜Link都撳！」
