今日係宅男最黑暗嘅一日，因為34歲有TVB咪神之稱嘅張秀文，宣佈婚訊呀！究竟係邊個私有化呢？就係金融才俊Billy喇！
張秀文係ig有講同Billy係點樣邂逅，話上年情人節佢著住睡衣喺床睇YouTube，突然收到Bob邀請，話想介紹個男人畀佢識。張秀文話睇緊綜藝，睇到一半有啲緊張，加上有啲夜無化妝無梳頭，就覆返阿Bob唔想出去。咁就差啲錯過咗段姻緣喇！阿Bob話睇YouTube唔會改變你一生，你今晚肯出嚟就會改變你一生！果然拍拖年幾，佢兩個終於修成正果，當然要畀返credit金牌媒人阿Bob啦！
Billy來頭唔細，除咗係金融才俊，亦係皮草太子爺王大業嘅堂細佬。原來佢之前求過一次婚，張秀文未應承，早排再求多次，佈置晒屋企，又氣球又魔術，最後指定動作跪地騷婚戒，成功抱得美人歸！
其實咪神張秀文嘅情史都好豐富o架，一齊睇片重溫啦！
