👉🏽醫管局
你以為有醫生紙就可以唔使打針？再有一名持醫生紙嘅醫管局員工同Channel C講，近排多咗人交醫生紙，所以高層就逐張醫生紙審批，「逐張醫生紙ban」，連有敏感嘅人都唔批，甚至要「證明個疫苗入面有咩成分令佢敏感」，如沒有就要打針。呢位員工嘅醫生紙仲突然被ban，唔可以用嚟報銷，加上員工12月已經打咗針，所以11月成個月近5000蚊嘅檢測費就咁冇晒。呢位員工就話，雖然醫管局出備忘話唔打針嘅人就可以三日一檢，有醫生證明就可以報銷，但係「事實根本唔係，會迫到我哋走投無路」。
👉🏽機場
香港國際機場發通告，指因為考慮到政府及健康專家最近的建議，故特定群組員工必須於3月10日或之前接種第三針，而「強烈鼓勵」機場其他員工儘快接種第三針。
👉🏽電車公司
Channel C收到電車公司員工通告，開場白就話「公司希望在此強烈建議同事盡快接種疫苗」，不過之後就話「假若不接種疫苗的員工不單會失去工作的機會，更加有可能很難得到其他公司獲聘」。電車公司會延長第二針疫苗的疫苗假期畀未打過針嘅同事，最後就話「公司十分重視員工的疫苗注射情況，如果仍然未接種的同事，務必盡快安排」。
👉🏽香港電訊 HKT
有HKT香港電信直銷部的前線員工同Channel C講，話上星期五收到上司通知，如果唔打針就冇得返工，所以身邊有好多同事，甚至乎有長期病、患心臟病的同事，都因為迫針所以去咗打針。呢位員工向集團嘅人力資源部查詢公司打針立場嘅時候，先發現原來係直銷部的管理層涉嫌「講大話」，「嚇」前線員工唔打針就唔可以返工，涉嫌隱瞞公司根本上只是鼓勵員工接種疫苗，而沒有強制。
