陶傑早前形容MIRROR是「虛火」，引發網上連番罵戰，連蕭若元亦加入戰團「護鏡」。姜濤今日出席活動時，說自己有留意此事。他表示，「我哋都未有資格去評論人哋對我哋嘅評論，始終我哋真係好多地方都未做得好，我哋會努力將呢股虛火變成大家認同嘅實火，呢個係我哋喺呢行嘅動力」。
MIRROR將於7月在紅館舉行10場演場會，有門票被炒至44萬，姜濤也認為票價太誇張，「有人買咩？44萬喎真係。唔好啊，我覺得寧願我哋辛苦啲開多幾場，都唔好為咗睇一場半場而去買」。
明日是母親節，他說可能因為媽媽年紀漸大，要求越來越細，最希望是他能夠陪伴，而他明日可以陪到媽媽。提到會否送門票給她，姜濤指媽媽已跟他說「唔使多，十張八張得喇」，又笑言「我入咗行之後，佢多咗好friend，唔知點解。以前都好少出去，而家動不動就話約咗邊個邊個」。
