陳慧嫻演唱會出現假飛！有網民誤墮「假飛」陷阱，在社交媒體公開兩張同座位的門票，事主最終被趕離現場。演唱會總監馮貽柏指首場演唱會共發現8張假票，保安在掃描QR後發現為無效票。
【新聞有價 記者有格 立即訂閱：https://bit.ly/3wGQh7c】
陳慧嫻《The Fabulous 40 Priscilla LIVE IN HONG KONG》昨晚（21日）於紅館舉行首場。但多位有歌迷在社交網站發文，指自己不幸誤購假飛。從圖片可見，兩張門票演出場次及座位均相同，事主表示：「紅館門口買了黃牛進去，能過安檢，去到座位上發現，兩張一模一樣的門票… 兩張票都是真的，但被趕了出來…」另有人指「今次陳慧嫻演唱會有人賣假飛」，呼籲大家要「小心小心小心小心」，一定要當面check清楚，「紫光燈照有字都唔保真」。
演唱會總監馮貽柏表示，昨晚經由紅館職員識別一共發現8張假票：「紅館負責入場嘅保安會用QR code scanner 掃描票上面嘅QR code， 發現無效（QR code scanner 會顯示無效（二維碼），用作推斷呢啲係無效嘅假票。」他呼籲歌迷經由合法途徑購票，不要幫襯非法、或不名來歷網站，否則無法得到任何保障。據悉，事主已報警處理。
而英皇老闆楊受成伉儷 ，李克勤太太盧淑儀，毛舜筠及老公、沈震軒及女友，周勵淇、鄧小巧、海兒等現身捧場，腳踏5吋高踭鞋的陳慧嫻唱畢《明日有明天》後，疑踩到裙腳突失重心，向前跌在地上，更笑說：「我覺得幾靚呀！」音樂總監何秉舜見狀即上前扶起她，慧嫻起身後對何秉舜笑着說：「係咪呢！最衰呢！都話咗唔好講自己靚，一話靚即刻唔靚。」
而張敬軒（軒仔）則任個唱嘉賓，陳慧嫻大讚軒仔是一個好尊重前輩及提攜後輩的人：「佢開演唱會，我過咗去睇，佢唱歌真係一流，好謙卑，好懂得照顧別人又溫柔，做朋友真的很窩心。」軒仔就笑道：「嘩，我應該去院舍做！哈哈！」慧嫻即笑道：「係呀！我就快㗎啦，遲早入院舍。」軒仔又指二人是同公司，但論資排輩，一直唔知應該點稱Priscilla，叫慧嫻姐姐好？陳慧嫻即謂：「阿嬸、Auntie……哈哈，梗係叫我Priscilla啦！你呀，你要多多提攜我添呀！」嚇得軒仔馬上跪地，兩人風趣幽默引得全場大笑。
