長沙灣元州邨昨晚（22日）有高層單位懷疑屋內爆水管，大量食水從單位窗戶噴出，並隨風飄到地面行人通道及休憩處，令地面出現「局部地區大雨」。有邨內街坊向本台形容「啲水噴到好似放煙花」，大部分途人避之則吉，但亦有街坊撐起雨傘觀看「奇景」。
【新聞有價 記者有格 立即訂閱：https://bit.ly/3wGQh7c】
事發於昨晚約7時，元州邨元智樓高層一個單位疑因室內爆水管，有食水從窗戶噴出街，現場片段可見水在窗外形成一水柱，其後隨風飄散，地面休憩處和行人通道猶如落下大雨，有推着買餸車的街坊撐着雨傘駐足觀看，不久後離去。
街坊：啲水好似淋花咁款
元州邨邨民曾先生事發時路過現場，他表示當時正回家，目睹有水從高處噴下，「啲水不停前後前後咁樣淋，好似淋花咁款」。曾先生稱事發地點鄰近長沙灣地鐵站出口，途人眾多，由於水力過猛，大部分途人都不敢走近，「有個媽媽帶住小朋友，話『好大水，行開啲』，有啲阿叔阿伯阿婆喺度影相。」屋邨亦派保安到場跟進，有保安拍照記錄，「聽到佢同對講機講好大陣仗，仲話啲水已經細咗」。
水務署資料顯示昨日深水埗區有兩宗停水事件，其中元州街新元州大廈昨晚7時多緊急停水，晚上9時15分恢復供水；同日上午7時多起荔枝角工廠區和荔枝角收押所亦暫停鹹水供應，以緊急維修位於荔枝角道近大南西街一段供水管，供水下午約5時恢復，停水期間受影響地區沖廁水供應受阻。暫未確認各事件是否有關。
