繼1.28《點新聞》重鄉音女記者問衞生署衞生防護中心傳染病處主任張竹君，有無新年禮物送畀隔離人士之後，《鳳凰衞視》另一鄉音女記者在2.13又「出招」，考起各位疫情記者會嘅官員啦～
《鳳凰衞視》呢位女記者問完深水埗溫暖老人院有染疫員工滯留之後，就問有專家提議喺地鐵站加設檢測站，政府會唔會考慮培訓美容師等「人員」「幫助」做檢測⋯⋯結果搞到張竹君答完老人院詳情之後，要直接望向MC示意，叫下一位記者提問；索性跳過條問題，唔答佢～
雖然咁樣問，的確異想天開少少，但Channel絲覺得都唔係唔可行嘅。美容師可以學特首林鄭月娥話齋──一鳥二石（Killing two stones with one bird）──美容院未開得嗰陣，就上「動態training」，由採耳師變做採鼻師，咁之後開返，咪可以加返項「採礦」服務囉～
