「畢生也願記起，香港迪士尼～」首歌咁浪漫，原來現實都可以咁夢幻㗎～ 香港迪士尼樂園嘅婚禮首次推出「奇妙夢想城堡證婚典禮」，新人可以化身貴族，由皇室大總管幫你哋主持婚禮，仲可以好似王子同公主一樣行長地毯，喺城堡前交換誓言同婚戒，享受大家嘅祝福。
而除咗可以喺城堡前行禮，新人仲可以免費入住迪士尼酒店嘅國賓廳客房，望住海景享受異國Honeymoon嘅感覺。如果想加倍夢幻，仲可以升級至「仙杜瑞拉主題套房」或者「魔雪奇緣主題套房」，做返晚小公主。?
其實「迪士尼童話婚禮」仲有好多唔同package㗎，人生大事緊係要好好籌備啦！如果你仍然童心未泯，咁就一定會鍾意「幸福童話證婚典禮」，除咗可以同最愛走過華麗嘅結婚戒指拱門，仲可以登上全新設計嘅典雅南瓜車，最勁嘅係仲有印咗你哋名嘅迎賓故事書佈置，影相紀念一流呀～
除咗證婚典禮，仲有「迪士尼童話婚禮攝影套餐」，可以畀一對新人選擇日間或夜晚嘅特定時段，喺度假區嘅特選景點影返輯靚靚童話式婚紗照，夠晒sweet呀～❤️
