石地足球場嘅恐怖意外片段，引嚟全城關注。傷者所屬球隊ADU FC喺周一（29日）上傳賽事嘅完整片段，話受傷嘅隊友留院一晚後已經出咗院，「好好彩冇骨折同內出血，依家休息緊」，而球隊同賽會就商討緊點去跟進事件。
佢哋仲話，要令業餘球圈能夠健康發展，唔同嘅球隊、賽會都需要好好反思點樣避免呢啲意外，例如球證嘅執法質素，賽會嘅罰則等等，又希望事件引起嘅關注並唔係只有一時。
事主亦向《足球快報》報平安，指早前在網上為他「澄清」的人並非他的家人，又表示耳朵及頭骨並無骨裂，只是頭腫了少少。對於對手的行為，他現在不評論，但認為「踢街league」不需要這樣做，更何況是石地。
Channel絲睇返呢段賽事嘅完整高清版，發現有球員係下半場開始無耐已經有啲爭拗，而去到13:14，仲好清楚聽到傷者頭部著地嘅嗰下嘅聲音，真係聽見都痛呀，好彩佢無大礙咋！
